ಆತನಿಗೆ ನನ್ನ ಆಯಸ್ಸನ್ನೇ ಧಾರೆ ಎರೆಯುತ್ತೀನಿ: ಬಿಎಸ್​ವೈ ಅತ್ತಿಗೆ ಶಾರದಮ್ಮ

ತಮ್ಮ ಹುಟ್ಟೂರಾದ ಮಂಡ್ಯ ಜಿಲ್ಲೆಯ ಬೂಕನಕೆರೆ ಗ್ರಾಮಕ್ಕೆ ಆಗಮಿಸಿದ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪರಿಗೆ ಅವರ ಅತ್ತಿಗೆ ಶಾರದಮ್ಮ, ನನ್ನ ಆಯಸ್ಸನ್ನೇ ಧಾರೆ ಎರೆಯುತ್ತೀನಿ. ಮುಂದಿನ‌ ದಿನಗಳಲ್ಲಿ ಅವರು ಮತ್ತಷ್ಟು ಅಭಿವೃದ್ಧಿ ಕಾರ್ಯ ಮಾಡಲಿ ಎಂದು ಶುಭಹಾರೈಸಿದರು.

ಮಂಡ್ಯ: ಜಿಲ್ಲೆಯ ಬೂಕನಕೆರೆ ಗ್ರಾಮಕ್ಕೆ ಮನೆ ಮಗ ಹಾಗೂ ರಾಜ್ಯದ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಆಗಮಿಸುತ್ತಿದ್ದಂತೆ ಕುಟುಂಬಸ್ಥರ ಮೊಗದಲ್ಲಿ ಸಂತಸ ಮೂಡಿತು.

ಬಿಎಸ್​​ವೈ, ಮನೆ ದೇವರಿಗೆ ಪೂಜೆ ಸಲ್ಲಿಸಿ ನಂತರ ಮನೆಮಂದಿಯೊಂದಿಗೆ ಮಾತನಾಡಿ, ಊಟ ಮಾಡಿ ಅಲ್ಲಿಂದ ನಿರ್ಗಮಿಸಿದರು. ಈ ಸಂಬಂಧ 'ಈಟಿವಿ ಭಾರತ್​'ನೊಂದಿಗೆ ಮಾತನಾಡಿದ ಯಡಿಯೂರಪ್ಪರ ಅತ್ತಿಗೆ ಶಾರದಮ್ಮ, ಜನಪರ ಕಾಳಜಿಯಿಂದ ಇವರು ಎತ್ತರಕ್ಕೆ ಬೆಳೆದಿದ್ದಾರೆ. ನನ್ನ ಆಯಸ್ಸನ್ನು ಕೂಡ ಅವರಿಗೇ ಧಾರೆ ಎರೆಯುತ್ತೀನಿ. ಮುಂದಿನ‌ ದಿನಗಳಲ್ಲಿ ಅವರು ಮತ್ತಷ್ಟು ಅಭಿವೃದ್ಧಿ ಕಾರ್ಯ ಮಾಡಲಿ ಎಂದು ಬಿಎಸ್​​ವೈಗೆ ಶುಭಹಾರೈಸಿದರು.

ಶಾರದಮ್ಮ ಅವರ ಪುತ್ರ ವಿಜಯಕುಮಾರ್ ಮಾತನಾಡಿ, ಪ್ರಮಾಣ ವಚನ ಸ್ವೀಕರಿಸಿದ ತಕ್ಷಣವೇ ಹುಟ್ಟೂರಿಗೆ ಬರಬೇಕು. ಗ್ರಾಮದ ದೇವರ ದರ್ಶನ ಪಡೆಯಬೇಕು ಎಂದು ಅಲ್ಲಿಂದ ಬಂದಿದ್ದನ್ನು ನೋಡಿ ಹಾಗೂ ಅವರು ನಾಲ್ಕನೇ ಬಾರಿಗೆ ಮುಖ್ಯಮಂತ್ರಿಯಾಗಿರುವುದು ತುಂಬಾ ಸಂತೋಷವಾಗಿದೆ ಎಂದು ಹೇಳಿದರು.