ಜಿಪಂ ಸಾಮಾನ್ಯ ಸಭೆ.. ಕುಡಿಯುವ ನೀರಿಗಾಗಿ ಸದಸ್ಯರ ಆಗ್ರಹ

ಕೊಪ್ಪಳದ ಜಿಲ್ಲಾ ಪಂಚಾಯತ್​ನಲ್ಲಿ ಇಂದು ಸಾಮಾನ್ಯ ಸಭೆ ಜರುಗಿತು. ಕುಡಿಯುವ ನೀರಿಗಾಗಿ ಸದಸ್ಯರು ಪಟ್ಟು ಹಿಡಿದರು.

ಕೊಪ್ಪಳ:ನಗರದ ಜೆ ಹೆಚ್‌ ಪಟೇಲ್ ಸಭಾಂಗಣದಲ್ಲಿ ಇಂದು ಜಿಲ್ಲಾ ಪಂಚಾಯತ್ ಸಾಮಾನ್ಯ ಸಭೆ ನಡೆಯಿತು.

ಸಭೆಯಲ್ಲಿ ಕುಡಿಯುವ ನೀರು ಪೂರೈಕೆ ಹಾಗೂ ಆರ್‌ಒ ಪ್ಲಾಂಟ್​​ ಕುರಿತಂತೆ ತೀವ್ರ ಚರ್ಚೆ ನಡೆದಿದೆ. ಆರ್‌ಒ ಪ್ಲಾಂಟ್​​ ನಿರ್ಮಾಣ ಮಾಡಲು ಲಕ್ಷಾಂತರ ರೂಪಾಯಿ ಖರ್ಚಾಗಿದೆ. ಆದರೂ ಸಮರ್ಪಕವಾಗಿ ಕುಡಿಯುವ ನೀರಿನ ವ್ಯವಸ್ಥೆಯಾಗಿಲ್ಲ. ಅತೀ ಶೀಘ್ರದಲ್ಲೇ ಕುಡಿಯುವ ನೀರಿಗೆ ಸೂಕ್ತ ವ್ಯವಸ್ಥೆ ಕಲ್ಪಿಸಬೇಕು ಎಂದು ಜಿಲ್ಲಾ ಪಂಚಾಯತ್​ ಸದಸ್ಯರುಗಳು ಆಗ್ರಹಿಸಿದರು.

ಈ ಬಗ್ಗೆ ಪ್ರತಿಕ್ರಯಿಸಿದ ಜಿಪಂ ಅಧ್ಯಕ್ಷ ವಿಶ್ವನಾಥ್​ ರೆಡ್ಡಿ ಅವರು, ಸಮಸ್ಯೆ ಬಗೆಹರಿಸುವುದಾಗಿ ಆಶ್ವಾಸನೆ ನೀಡಿದರು.