ಗಂಗಾವತಿ: ಮಹಿಳೆಯರಿಗೆ ಬೆದರಿಕೆ ಹಾಕಿ ಹಣ ವಸೂಲಿಗೆ ಮುಂದಾದ ಯುವಕನೊಬ್ಬನ ಮೇಲೆ ಗಂಗಾವತಿ ಗ್ರಾಮೀಣ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಸಂಗಾಪುರ ಗ್ರಾಮದ ಕುಮಾರ ನಾಗಪ್ಪ ಆಡಿನ್ ಎಂಬ ಯುವಕನ ವಿರುದ್ಧ ಮಂಡಕ್ಕಿ ಸಗಟು ವ್ಯಾಪಾರಿ ವಿರುಪಾಪುರ ತಾಂಡಾದ ಕೊಟ್ರೇಶ ಕಬೇರ ಎಂಬುವವರು ದೌರ್ಜನ್ಯ, ಕೊಲೆ ಬೆದರಿಕೆಯ ದೂರು ದಾಖಲಿಸಿದ್ದಾರೆ. ಲಕ್ಷ್ಮಮ್ಮ ಹಾಗೂ ಜ್ಯೋತಿ ಎಂಬುವವರು ಸಂಗಾಪುರಕ್ಕೆ ಆಟೋದಲ್ಲಿ ತೆರಳಿ ಮಂಡಕ್ಕಿ ಮಾರಾಟ ಮಾಡಿ ಅಕ್ಕಿ ಸಂಗ್ರಹಿಸಿಕೊಂಡು ವಾಪಸ್ ಗಂಗಾವತಿಗೆ ಬರುವಾಗ ಸಾಯಿನಗರದ ಕ್ರಷರ್ ಪಾಯಿಂಟ್ ಬಳಿ ಆಟೋ ತಡೆದ ಈ ಆರೋಪಿ ಕುಮಾರ ಹಣಕ್ಕೆ ಬೇಡಿಕೆ ಇಟ್ಟಿದ್ದಾನೆ.