ನಿರುದ್ಯೋಗಿಗಳೇ ಉದ್ಯೋಗ ಪಡೆಯಲು ಉಚಿತ ತರಬೇತಿ ಬೇಕೇ? ಇಲ್ಲಿದೆ ಮಾಹಿತಿ

ಗ್ರಾಮೀಣ ಪ್ರದೇಶದ ನಿರುದ್ಯೋಗಿಗಳಿಗೆ ಬೆಂಗಳೂರಿನ ಗುರುಕುಲದಲ್ಲಿ ಮೂರು ತಿಂಗಳ ಉಚಿತ ಕೌಶಲ್ಯ ತರಬೇತಿ ನೀಡಲಾಗುತ್ತಿದ್ದು, ಅರ್ಹರು ಇದರ‌ ಪ್ರಯೋಜನ ಪಡೆದುಕೊಳ್ಳುವಂತೆ ನಡ್ಜ್ ಲೈಫ್ ಸ್ಕಿಲ್ ಫೌಂಡೇಷನ್​​ನ ವಿನಾಯಕ ಅರಸ್ ಮನವಿ‌ ಮಾಡಿದ್ದಾರೆ.

ಕೊಪ್ಪಳ:ಗ್ರಾಮೀಣ ಪ್ರದೇಶದ ನಿರುದ್ಯೋಗಿಗಳಿಗೆ ಬೆಂಗಳೂರಿನ ಗುರುಕುಲದಲ್ಲಿ ಮೂರು ತಿಂಗಳ ಉಚಿತ ಕೌಶಲ್ಯ ತರಬೇತಿ ನೀಡಲಾಗುತ್ತಿದ್ದು, ಅರ್ಹರು ಇದರ‌ ಪ್ರಯೋಜನ ಪಡೆದುಕೊಳ್ಳುವಂತೆ ನಡ್ಜ್ ಲೈಫ್ ಸ್ಕಿಲ್ ಫೌಂಡೇಷನ್​​ನ ವಿನಾಯಕ ಅರಸ್ ಮನವಿ‌ ಮಾಡಿದ್ದಾರೆ.

ನಮ್ಮ ಗುರುಕುಲ ಬಡತನ ನಿರ್ಮೂಲನೆ ಹಾಗೂ ಉದ್ಯೋಗ ಸೃಷ್ಠಿಯ ಪ್ರಯೋಗ ಶಾಲೆಯಾಗಿದ್ದು, 2015ರಿಂದ ಇಲ್ಲಿಯವರೆಗೆ 5 ಸಾವಿರ ವಿದ್ಯಾರ್ಥಿಗಳಿಗೆ ಕೌಶಲ್ಯ ತರಬೇತಿ ನೀಡಿದೆ. ಈ ಪೈಕಿ ಸುಮಾರು ನಾಲ್ಕೂವರೆ ಸಾವಿರದಷ್ಟು ಯುವಕ/ಯುವತಿಯರು ಬೇರೆ ಬೇರೆ ಕಡೆ ಉದ್ಯೋಗದಲ್ಲಿದ್ದಾರೆ‌. ಬಡತನ ನಿರ್ಮೂಲನೆ ಧ್ಯೇಯದೊಂದಿಗೆ ವ್ಯಕ್ತಿತ್ವ ವಿಕಸನ, ಕುಟುಂಬ ನಿರ್ವಹಣೆ ಸೇರಿದಂತೆ ವೃತ್ತಿ ಕೌಶಲ್ಯಗಳಾದ ಎಲೆಕ್ಟ್ರಿಷಿಯನ್, ಪ್ಲಂಬಿಂಗ್, ಬ್ಯೂಟಿಷಿಯನ್ ತರಬೇತಿ ನೀಡಲಾಗುತ್ತದೆ ಎಂದರು.

ಮೂರು ತಿಂಗಳ ಈ ತರಬೇತಿಗೆ ಕೇವಲ 500 ರೂಪಾಯಿ ಮಾತ್ರ ಶುಲ್ಕ ಪಡೆಯಲಾಗುತ್ತದೆ. ಉಚಿತ ಊಟ, ವಸತಿಯೊಂದಿಗೆ ತರಬೇತಿ‌ ನೀಡಲಾಗುತ್ತದೆ. ಅಲ್ಲದೆ ಹೆಚ್ಚಿನ ಮಾಹಿತಿಗಾಗಿ ಸಂಸ್ಥೆಯ ಕೇಶವ 8861882431 ಅಥವಾ ಯಾಸಿನ್ 6366345902 ಅವರನ್ನು ಸಂಪರ್ಕಿಸುವಂತೆ ವಿನಾಯಕ ಅರಸ್ ಮನವಿ‌ ಮಾಡಿದರು.