ಮಾಹಿತಿ ನೀಡದ ಬ್ಯಾಂಕ್ ವ್ಯವಸ್ಥಾಪಕನಿಗೆ ಗ್ರಾಹಕನಿಂದ ತರಾಟೆ

ಬ್ಯಾಂಕ್​​​ನಲ್ಲಿ ಸಾಲಸೌಲಭ್ಯ, ಮುಂಗಡ ಠೇವಣಿ ಇನ್ನಿತರೆ ಬ್ಯಾಂಕ್​​ ವ್ಯವಹಾರಕ್ಕೆ ಸಂಬಂಧಿಸಿದಂತೆ ಸಮರ್ಪಕ ಮಾಹಿತಿ ನೀಡದಿರುವ ಹಿನ್ನೆಲೆಯಲ್ಲಿ ಗ್ರಾಹಕರು, ವ್ಯವಸ್ಥಾಪಕರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

ಕುಷ್ಟಗಿ (ಕೊಪ್ಪಳ):ಸಮರ್ಪಕ ಮಾಹಿತಿ ನೀಡುತ್ತಿಲ್ಲವೆಂದುಕುಷ್ಟಗಿ ತಾಲೂಕಿನ ಹಿರೇಮನ್ನಾಪೂರ ಕರ್ನಾಟಕ ಗ್ರಾಮೀಣ ಬ್ಯಾಂಕ್​ ​​​​​​(ಪ್ರಗತಿ ಕೃಷ್ಣಾ) ವ್ಯವಸ್ಥಾಪಕರ ಜೊತೆ ಗ್ರಾಹಕರು ವಾಗ್ವಾದ ನಡೆಸಿದ ಘಟನೆ ನಡೆದಿದೆ.

ಬ್ಯಾಂಕ್​​​ನಲ್ಲಿ ಸಾಲ ಸೌಲಭ್ಯ, ಮುಂಗಡ ಠೇವಣಿ, ಇನ್ನಿತರೆ ಬ್ಯಾಂಕ್​​ ವ್ಯವಹಾರಕ್ಕೆ ಸಂಬಂಧಿಸಿದಂತೆ ಸಮರ್ಪಕ ಮಾಹಿತಿ ನೀಡದಿರುವ ಹಿನ್ನೆಲೆಯಲ್ಲಿ ಗ್ರಾಹಕರು, ವ್ಯವಸ್ಥಾಪಕರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

ಬ್ಯಾಂಕ್ ವ್ಯವಸ್ಥಾಪಕರಿಗೆ ಯಾವುದೇ ಮಾಹಿತಿ ಕೇಳಿದರೂ ಸರಿಯಾಗಿ ಮಾಹಿತಿ ನೀಡುತ್ತಿಲ್ಲ. ನರೇಗಾ, ಪಿಎಂ ಕಿಸಾನ್ ಯೋಜನೆಯ ಹಣ ಜಮೆ, ಪಾಸ್​ಬುಕ್ ಪ್ರಿಂಟ್​​ ಹಾಕಿಕೊಡುವುದಿಲ್ಲ. ಖಾತೆಯಲ್ಲಿನ ಹಣದ ಬಗ್ಗೆ ಪರಿಶೀಲಿಸಿ ಎಂದು ಗ್ರಾಹಕರು ಕೇಳಿಕೊಂಡರೂ ಪಾಸ್​​​ಬುಕ್ ತೆಗೆದು ಗ್ರಾಹಕರ ಮುಖಕ್ಕೆ ಎಸೆಯುತ್ತಾರೆ ಎಂದು ಆರೋಪಿಸಲಾಗಿದೆ.

ಬ್ಯಾಂಕಿನಲ್ಲಿ ವ್ಯವಸ್ಥಾಪಕರು ಗ್ರಾಹಕರ ಮೇಲೆ ನಿರ್ಲಕ್ಷ್ಯ ತೋರುತ್ತಿದ್ದು, ಅವರನ್ನು ಬೇರೆಡೆಗೆ ವರ್ಗಾಯಿಸಬೇಕು ಎಂದು ಗ್ರಾಹಕರು ಆಗ್ರಹಿಸಿದ್ದಾರೆ.