ಕೊಪ್ಪಳ : ಮಳೆಗಾಲ, ಅತಿವೃಷ್ಟಿ-ಅನಾವೃಷ್ಟಿಯ ಸಮಯದಲ್ಲಿ ಜಾನುವಾರುಗಳಿಗೆ ಸಾಕಷ್ಟು ಮೇವು ಲಭ್ಯವಿರುವುದಿಲ್ಲ. ಹಾಗಾಗಿಯೇ, ರೈತರು ಅಗತ್ಯವಿರುವಷ್ಟು ಮೇವನ್ನು ಬಣವೆಗಳ ರೂಪದಲ್ಲಿ ಮೊದಲೇ ಸಂಗ್ರಹಿಸುತ್ತಾರೆ. ಹೀಗೆ, ಮೇವು ಸಂಗ್ರಹಿಸಲು ಬಣವೆ ಒಟ್ಟುವುದರ ಹಿಂದೆಯೂ ಒಂದು ಕಲೆಯಿದೆ.
ಹುಲ್ಲಿನ ಬಣವೆಗಳನ್ನು ಯಾವಾಗಲೂ ತ್ರಿಭುಜಾಕರದಲ್ಲೇ ಮಾಡಲಾಗುತ್ತದೆ. ಇದರ ಹಿಂದೆ ವರ್ಷ ಕಳೆದರೂ ಮೇವು ಕೆಡದಂತೆ ಕಾಪಾಡುವ ಒಂದು ಚಾಕಚಕ್ಯತೆಯಿದೆ. ತ್ರಿಭುಜಾಕಾರದಲ್ಲಿ ಬಣವೆಗಳನ್ನು ಮಾಡಿದರೆ ಮಳೆ ನೀರು ಅದರೊಳಗೆ ಹೋಗುವುದಿಲ್ಲ. ಹೀಗಾಗಿ, ಯಾವುದೇ ಕಾರಣಕ್ಕೂ ಮೇವು ಕೆಡುವುದಿಲ್ಲ ಎಂಬುವುದು ಅಷ್ಟೇ ನಿಜ. ಹಿಂದಿನಿಂದಲೂ ಈ ಪದ್ಧತಿ ಪಾಲಿಸಿಕೊಂಡು ಬರಲಾಗುತ್ತದೆ.
ವರ್ಷಗಟ್ಟಲೇ ಮೇವು ಕೆಡದಂತೆ ಇಡುವುದು ಹೀಗೆ..