ದುಂಡಾವರ್ತನೆ ತೋರಿದ ವಿದೇಶಿಗರಿಗೆ ಬಿತ್ತು ಏಳು ಸಾವಿರ ದಂಡ

ಪೊಲೀಸರೊಂದಿಗೆ ಅನುಚಿತವಾಗಿ ವರ್ತಿಸಿದ್ದ ನ್ಯೂಜಿಲೆಂಡಿನ ನಾಗರಿಕರಿಗೆ ಗಂಗಾವತಿ ಪೊಲೀಸರು ಏಳು ಸಾವಿರ ದಂಡ ವಿಧಿಸಿದ್ದಾರೆ.

ಗಂಗಾವತಿ:ವಾಹನ ಚಲಾವಣೆಯ ಸಂದರ್ಭದಲ್ಲಿ ಸೂಕ್ತ ದಾಖಲೆ ತೋರಿಸುವಂತೆ ಕೋರಿದ್ದಕ್ಕೆ ಪೊಲೀಸರೊಂದಿಗೆ ಅನುಚಿತವಾಗಿ ವರ್ತಿಸಿದ ಇಬ್ಬರು ವಿದೇಶಿಗರಿಗೆ ತಲಾ ಮೂರುವರೆ ಸಾವಿರ ದಂಡ ವಿಧಿಸಿದ್ದಾರೆ.

ವಿರುಪಾಪುರ ಗಡ್ಡೆಯಿಂದ ನಗರಕ್ಕೆ ಒಂದೇ ಬೈಕ್​​ನಲ್ಲಿ ಇಬ್ಬರು ಯುವತಿಯರು, ಓರ್ವ ಯುವಕ ಸೇರಿದಂತೆ ಮೂರು ಜನ ವಿದೇಶಿಗರು ಬಂದಿದ್ದರು. ಇದನ್ನು ಪ್ರಶ್ನಿಸಿದ್ದಕ್ಕೆ ಪೊಲೀಸರೊಂದಿಗೆ ವಿದೇಶಿಗರು ಅನುಚಿತವಾಗಿ ವರ್ತಿಸಿದ್ದರು. ಮೊದಲಿಗೆ ತಮ್ಮದು ಆಸ್ಟ್ರೇಲಿಯಾ ಎಂದು ವಿದೇಶಿಗರು ತಿಳಿಸಿದ್ದರು. ಆ ಬಳಿಕ ದಾಖಲೆಗಳನ್ನು ಪರಿಶೀಲಿಸಿದಾಗ ಇವರು ನ್ಯೂಜಿಲೆಂಡಿನ ನಾಗರಿಕರಾದ ಡೇವಿಡ್, ಚಾಲರ್ ಮತ್ತು ಇಡನ್ಲಿ ಎಂದು ಗೊತ್ತಾಗಿದೆ.

• ಇದನ್ನೂ ಓದಿ: ಗಂಗಾವತಿಯಲ್ಲಿ ಪೊಲೀಸರೆದುರೇ ವಿದೇಶಿಗರ ದುರ್ವರ್ತನೆ!

ಪೊಲೀಸರು ಡ್ರೈವಿಂಗ್ ಲೈಸನ್ಸ್, ಇನ್ಸುರೆನ್ಸ್, ಹೆಲ್ಮೆಟ್ ಇಲ್ಲದಿದ್ದಕ್ಕೆ ಮತ್ತು ದುರ್ವರ್ತನೆ ತೋರಿದ್ದಕ್ಕೆ ಇಬ್ಬರ ಮೇಲೆ ತಲಾ 3,500 ಸಾವಿರ ದಂಡ ವಿಧಿಸಿದ್ದಾರೆ.