ಕಳಪೆ, ಅವಧಿ ಮೀರಿದ ಬೀಜ, ರಸಗೊಬ್ಬರ ಮಾರಾಟ ಆರೋಪ : ಅಗ್ರೋ ಅಂಗಡಿಗೆ ಸೀಲ್​

ರೈತ ಸಂಘದ ಮುಖಂಡರು, ಕೃಷಿ ಇಲಾಖೆ ಅಧಿಕಾರಿಗಳೊಂದಿಗೆ ಬಂದು ನಗರದ ಜವಾಹರ ರಸ್ತೆಯಲ್ಲಿರುವ ಶಾಂತಿ ಅಗ್ರೋ ಸೇಲ್ಸ್ ಹೆಸರಿನ ಅಂಗಡಿಯ ಪರಿಶೀಲನೆ ನಡೆಸಿ ಸೀಲ್..

ಕೊಪ್ಪಳ :ರೈತರಿಗೆ ಕಳಪೆ ಮತ್ತು ಅವಧಿ ಮೀರಿದ ಬೀಜ ಹಾಗೂ ರಸಗೊಬ್ಬರ ಮಾರಾಟ ಮಾಡಿದ ಆರೋಪದ ಹಿನ್ನೆಲೆ ನಗರದ ಅಗ್ರೋ ಅಂಗಡಿಯೊಂದನ್ನು ಇಂದು ಸಂಜೆ ಸೀಲ್​ ಮಾಡಲಾಯಿತು.

ರೈತ ಸಂಘದ ಮುಖಂಡರು, ಕೃಷಿ ಇಲಾಖೆ ಅಧಿಕಾರಿಗಳೊಂದಿಗೆ ಬಂದು ನಗರದ ಜವಾಹರ ರಸ್ತೆಯಲ್ಲಿರುವ ಶಾಂತಿ ಅಗ್ರೋ ಸೇಲ್ಸ್ ಹೆಸರಿನ ಅಂಗಡಿಯ ಪರಿಶೀಲನೆ ನಡೆಸಿ ಸೀಲ್ ಮಾಡಿದರು.

ರೈತರಿಗೆ ಕಳಪೆ ಗುಣಮಟ್ಟದ ಹಾಗೂ ಅವಧಿ ಮುಗಿದ ಬೀಜ ಹಾಗೂ ಕ್ರಿಮಿನಾಶಕಗಳನ್ನು ಮಾರಾಟ ಮಾಡಿದ್ದಾರೆ. ಈ ಕುರಿತಂತೆ ನಮ್ಮಲ್ಲಿ ದಾಖಲೆಗಳಿವೆ ಎಂದು ರೈತ ಸಂಘದ ಮುಖಂಡರು ಕೃಷಿ ಇಲಾಖೆಯ ಜಾಗೃತದಳದ ಅಧಿಕಾರಿಗಳನ್ನು ಕರೆತಂದು ಪರಿಶೀಲಿಸಿದಾಗ ಕಳಪೆ ಬೀಜ, ಕ್ರಿಮಿನಾಶಕ ದೊರಕಿದ್ದು, ಅಂಗಡಿಯನ್ನು ಸೀಲ್​ ಮಾಡಲಾಗಿದೆ.