ಗಂಗಾವತಿ: ಸುರಕ್ಷಿತ ವಿಧಾನಗಳಿಲ್ಲದೇ ಮಾಂಸ ಖರೀದಿಗೆ ಮುಗಿಬಿದ್ದ ಜನ..!

ಕೊಪ್ಪಳ ಜಿಲ್ಲೆಯ ಗಂಗಾವತಿ ನಗರದಲ್ಲಿ ಜನರು ಯಾವುದೇ ಸುರಕ್ಷಿತ ವಿಧಾನಗಳಿಲ್ಲದೇ ಚಿಕನ್ ಮತ್ತು ಮಟನ್ ಖರೀದಿಗೆ ಮುಗಿಬಿದ್ದಿದ್ದಾರೆ.

ಗಂಗಾವತಿ(ಕೊಪ್ಪಳ):ಇಂದು ಭಾನುವಾರವಾದ ಹಿನ್ನೆಲೆ, ನಗರದ ಮಾಂಸ ಮಾರುಕಟ್ಟೆಯಲ್ಲಿ ಯಾವುದೇ ಸುರಕ್ಷಿತ ವಿಧಾನಗಳಿಲ್ಲದೇ ಗ್ರಾಹಕರು ಚಿಕನ್ ಮತ್ತು ಮಟನ್ ಖರೀದಿಗೆ ಮುಗಿಬಿದ್ದರು.

ಅಂಗಡಿ ಮಾಲೀಕರು ಲಾಕ್​ಡೌನ್​ ಹಿನ್ನೆಲೆ, ಮಾಂಸದಂಗಡಿಯ ಅರ್ಧ ಬಾಗಿಲು ತೆಗೆದು ಚಿಕನ್​ ಮತ್ತು ಮಟನ್​ ಮಾರಾಟ ಮಾಡಿದರು. ಇನ್ನು, ಅಂಗಡಿಗಳಲ್ಲಿ ಸಾಮಾಜಿಕ ಅಂತರವಿಲ್ಲದೆ ಹಾಗೂ ಸ್ಯಾನಿಟೈಸರ್ ಬಳಸದೆ ​ ವ್ಯವಹಾರ ನಡೆಸಲಾಗುತ್ತಿತ್ತು.

ಒಟ್ಟಾರೆ, ಕೊರೊನಾ ವೈರಸ್​ ಬಗ್ಗೆ ಸರ್ಕಾರ ಎಷ್ಟೇ ಎಚ್ಚರಿಕೆ ನೀಡಿದರೂ ಜನ ಮಾತ್ರ ಯಾವುದೇ ನಿಯಮ ಪಾಲಿಸುತ್ತಿರಲಿಲ್ಲ.