ದೇವಸ್ಥಾನಗಳ ಅರ್ಚಕರಿಗೆ ದಿನಸಿ ಕಿಟ್​​ ವಿತರಿಸಿದ ಸಂಸದ ಕರಡಿ ಸಂಗಣ್ಣ

ಲಾಕ್​​​ಡೌನ್​​ ನಿಯಮಾನುಸಾರ ದೇಶದಾದ್ಯಂತ ಎಲ್ಲಾ ದೇವಾಲಯಗಳನ್ನು ಬಂದ್ ಮಾಡಲಾಗಿದೆ. ಈ ಹಿನ್ನೆಲೆ ಅರ್ಚಕರು ಮನೆಯಲ್ಲಿಯೇ ಕಾಲ ಕಳೆಯುವಂತಾಗಿದೆ. ಇನ್ನು ಕೊಪ್ಪಳದ ಸುಮಾರು 152 ಅರ್ಚಕರಿಗೆ ದಿನಸಿ ಕಿಟ್​ ವಿತರಿಸಲಾಯಿತು.

ಕೊಪ್ಪಳ: ಕೊರೊನಾ ಲಾಕ್​​ಡೌನ್ ಸಂಕಷ್ಟದ ನಡುವೆ ತಾಲೂಕಿನ ದೇವಸ್ಥಾನಗಳಲ್ಲಿ ಸೇವೆಯಲ್ಲಿರುವ 152 ಅರ್ಚಕರಿಗೆ ಸಂಸದ ಕರಡಿ ಸಂಗಣ್ಣ ಕರಡಿ ದಿನಸಿ ಕಿಟ್ ವಿತರಿಸಿದರು.

ಕೊಪ್ಪಳದ ಹುಲಿಗಿ ಶ್ರೀ ಹುಲಿಗೆಮ್ಮ ದೇವಸ್ಥಾನ ಟ್ರಸ್ಟ್ ಕಮಿಟಿ ಜಿಲ್ಲಾಧಿಕಾರಿಗಳಿಗೆ ನೀಡಿದ ಅನುದಾನಲ್ಲಿ ಜಿಲ್ಲೆಯಲ್ಲಿರುವ ದೇವಸ್ಥಾನಗಳ ಅರ್ಚಕರಿಗೆ ದಿನಸಿ ವಿತರಿಸಲಾಗುತ್ತಿದೆ.

ಈ ಕುರಿತು ಕೊಪ್ಪಳ ಸಂಸದ ಸಂಗಣ್ಣ ಕರಡಿ ಪ್ರತಿಕ್ರಿಯಿಸಿ, ಕೊವಿಡ್-19 ವೈರಸ್ ನಿಯಂತ್ರಣದಲ್ಲಿ ತಾಲೂಕು, ಜಿಲ್ಲಾ ಮಟ್ಟದ ಅಧಿಕಾರಿಗಳು ಹಗಲಿರುಳು ಕಾರ್ಯನಿರ್ವಹಿಸಿ ವೈರಸ್ ಕೊಪ್ಪಳಕ್ಕೆ ಬರದಂತೆ ತಡೆದಿದ್ದಾರೆ ಎಂದರು. ಈ ವೇಳೆ ಮಾಜಿ ಶಾಸಕ, ಜಿಲ್ಲಾ ಬಿಜೆಪಿ ಅಧ್ಯಕ್ಷ ದೊಡ್ಡನಗೌಡ ಪಾಟಿಲ್ ಸೇರಿದಂತೆ ಇತರರಿದ್ದರು.