ಸಚಿವ ಹಾಲಪ್ಪ ಆಚಾರ್​ಗೂ ಸಿಎಂ ಆಗುವ ಯೋಗವಿದೆ : ಶಾಸಕ ಶಿವನಗೌಡ ನಾಯಕ್

ರಾಜಕೀಯ ಜೀವನದಲ್ಲಿ ಹಾಲಪ್ಪ ಆಚಾರ್​ಗೆ ಯೋಗ ಬಂದರೆ ನಾವೇನೂ ಅನ್ನಲ್ಲ. ಭಗವಂತನ ಆಶೀರ್ವಾದವಿದ್ದರೆ ಆ ಸ್ಥಾನಕ್ಕೆ ಅವರು ಮುಟ್ಟಲಿ. ಅವರಲ್ಲಿ ಆ ಶಕ್ತಿ ಇದೆ. ಹಾಲಪ್ಪ ಆಚಾರ್ ಅತ್ಯಂತ ಸರಳ ರಾಜಕಾರಣಿ. ಇಂತಹ ಶಾಸಕರನ್ನು ಪಡೆದಿರುವುದು ನಿಮ್ಮ ಪುಣ್ಯ ಎಂದು ಗುಣಗಾನ ಮಾಡಿದರು..

ಕೊಪ್ಪಳ :ಸಚಿವ ಹಾಲಪ್ಪ ಆಚಾರ್​ಗೂ ಮುಖ್ಯಮಂತ್ರಿ ಆಗುವ ಯೋಗ ಇದೆ ಎಂದು ಶಾಸಕ ಶಿವನಗೌಡ ನಾಯಕ್ ಭವಿಷ್ಯ ನುಡಿದಿದ್ದಾರೆ.

ಜಿಲ್ಲೆಯ ಕುಕನೂರ ತಾಲೂಕಿನ ಮಸಬಹಂಚಿನಾಳ ಗ್ರಾಮದಲ್ಲಿ ನಡೆದ ವಿಧಾನ ಪರಿಷತ್ ಚುನಾವಣೆ ಪ್ರಚಾರ ಸಭೆಯಲ್ಲಿ ಮಾತನಾಡಿದ ಅವರು, ಇನ್ನು ಹತ್ತಿಪ್ಪತ್ತು ವರ್ಷದಲ್ಲಿ ಹಾಲಪ್ಪ ಆಚಾರ್​ಗೆ ಮುಖ್ಯಮಂತ್ರಿ ಯೋಗ ಇದೆ. ನಾನು ಈಶ್ವರಪ್ಪನ ತರಹ ಇಂತವರೇ ಬೇಗ ಆಗಲಿ ಎಂದು ಹೇಳಲ್ಲ ಎಂದರು.

ರಾಜಕೀಯ ಜೀವನದಲ್ಲಿ ಹಾಲಪ್ಪ ಆಚಾರ್​ಗೆ ಯೋಗ ಬಂದರೆ ನಾವೇನೂ ಅನ್ನಲ್ಲ. ಭಗವಂತನ ಆಶೀರ್ವಾದವಿದ್ದರೆ ಆ ಸ್ಥಾನಕ್ಕೆ ಅವರು ಮುಟ್ಟಲಿ. ಅವರಲ್ಲಿ ಆ ಶಕ್ತಿ ಇದೆ. ಹಾಲಪ್ಪ ಆಚಾರ್ ಅತ್ಯಂತ ಸರಳ ರಾಜಕಾರಣಿ. ಇಂತಹ ಶಾಸಕರನ್ನು ಪಡೆದಿರುವುದು ನಿಮ್ಮ ಪುಣ್ಯ ಎಂದು ಗುಣಗಾನ ಮಾಡಿದರು.

ಓದಿ:ವೈದ್ಯರು ಮತ್ತು ಆರೋಗ್ಯ ಸಿಬ್ಬಂದಿ ಮೇಲೆ ಹಲ್ಲೆ ತಡೆಯುವ ಪಿಐಎಲ್ ಅರ್ಜಿ ವಜಾ