ಕುಷ್ಟಗಿ: ಬಿಸಿಯೂಟ ನೌಕರರ ಬೇಡಿಕೆ ಈಡೇರಿಕೆಗೆ ಆಗ್ರಹ

ಕೊಪ್ಪಳ ಜಿಲ್ಲೆ ಕುಷ್ಟಗಿ ತಾಲೂಕಿನ ತಾಲೂಕು ಪಂಚಾಯಿತಿ ಎದುರು ಬಿಸಿಯೂಟ ನೌಕರರು ವಿವಿಧ ಬೇಡಿಕೆ ಈಡೇರಿಕೆಗೆ ಆಗ್ರಹಿಸಿ, ಧರಣಿ ನಡೆಸಿದರು.

ಕುಷ್ಟಗಿ (ಕೊಪ್ಪಳ): ಬಿಸಿ ಊಟ ನೌಕರರ ಹುದ್ದೆ ಕಾಯಂಗೊಳಿಸುವಂತೆ ಹಾಗೂ ಶಾಸನಾತ್ಮಕ ಸೌಲಭ್ಯ ಸೇರಿದಂತೆ ವಿವಿಧ ಬೇಡಿಕೆಗಳಿಗೆ ಆಗ್ರಹಿಸಿ ಸಿಐಟಿಯು ನೇತೃತ್ವದಲ್ಲಿ ಕರ್ನಾಟಕ ಅಕ್ಷರ ದಾಸೋಹ ನೌಕರರ ಸಂಘದ ವತಿಯಿಂದ ಬುಧವಾರ ತಾಲೂಕು ಪಂಚಾಯಿತಿ ಎದುರು ಧರಣಿ ನಡೆಸಿದರು.

ಕ್ವಾರಂಟೈನ್​ನಲ್ಲಿದ್ದ ಸೋಂಕಿತರಿಗೆ ಅಡುಗೆ ತಯಾರಿಸಿದ್ದಾರೆ. ಸರ್ಕಾರ ಹೇಳಿದ ಕೆಲಸಗಳನ್ನು ಚಾಚು ತಪ್ಪದೇ ಮಾಡಲಾಗಿದೆ. ಆದರೇ, ಅವರ ವೇತನ ಪಾವತಿಗೆ ಸರ್ಕಾರ ಮೀನಮೇಷ ಏಣಿಸುತ್ತಿದೆ ಎಂದು ಸಿಐಟಿಯು ತಾಲೂಕು ಅಧ್ಯಕ್ಷೆ ಕಲಾವತಿ ಆರೋಪಿಸಿದರು.

6 ತಿಂಗಳ ವೇತನ, ಪಡಿತರ ಹಾಗೂ ಎಲ್​ಐಸಿ ಆಧಾರಿತ ಪಿಂಚಣಿ ನಿಗದಿಗೆ ಒತ್ತಾಯಿಸಿದರು. ತಾಲೂಕಾ ಸಿಐಟಿಯು ಜಿಲ್ಲಾ ಕಾರ್ಯದರ್ಶಿ ಕಾಶೀಂಸಾಬ್, ಬಿಸಿ ಊಟ ನೌಕರರ ಸಂಘದ ತಾಲೂಕು ಅಧ್ಯಕ್ಷೆ ಅನ್ನಪೂರ್ಣ, ಅಲಿಮಾ ಚಂದ್ರಕಲಾ, ಹನಮಂತಪ್ಪ, ಶಾಂತಮ್ಮ ಇದ್ದರು.