ಲಾಕ್​ ಡೌನ್​ ಎಫೆಕ್ಟ್​: NWKRTC ಕುಷ್ಟಗಿ ಘಟಕದ ಆದಾಯದಲ್ಲಿ ಭಾರೀ ಕುಸಿತ

ಕೊರೊನಾ ಹಿನ್ನೆಲೆಯಲ್ಲಿ ಮೊದಲ ಹಂತದ ಲಾಕ್​ ಡೌನ್ ಬಳಿಕ ಸಾರಿಗೆ ಸೇವೆ ಅಷ್ಟಕಷ್ಟೇಯಾಗಿತ್ತು. ಇದೀಗ ಕೊರೊನಾ ಸೋಂಕಿನ ಪ್ರಕರಣಗಳು ಜಾಸ್ತಿಯಾಗುತ್ತಿದ್ದಂತೆ, ಕೊರೊನಾ ಭಯಕ್ಕೆ ಜನರು ಬಸ್​​ಗಳಲ್ಲಿ ಸಂಚರಿಸುವುದನ್ನೇ ಮರೆತಿದ್ದಾರೆ. ಈ ಹಿಂದೆ ಪ್ರಯಾಣಿಕರು ಬಸ್ಸಿಗಾಗಿ ಕಾಯುತ್ತಿದ್ದರು. ಇದೀಗ ಬದಲಾದ ಸನ್ನಿವೇಶದಲ್ಲಿ ಬಸ್ಸುಗಳು ಪ್ರಯಾಣಿಕರಿಗೆ ಕಾಯುವಂತಾಗಿದೆ.

ಕುಷ್ಟಗಿ(ಕೊಪ್ಪಳ): ಕೊರೊನಾ ವೈರಸ್ ಉಲ್ಬಣ ಹಾಗೂ ಕೆಲವು ಜಿಲ್ಲೆಗಳ ಲಾಕ್​ ಡೌನ್ ಪರಿಣಾಮ, ಇಲ್ಲಿನ ಈಶಾನ್ಯ ಕರ್ನಾಟಕ ರಸ್ತೆ ಸಾರಿಗೆ ನಿಯಮಿತ ಕುಷ್ಟಗಿ ಘಟಕದ ಆದಾಯ ಕಡಿಮೆಯಾಗಿದೆ.

ಕೊರೊನಾ ಹಿನ್ನೆಲೆಯಲ್ಲಿ ಮೊದಲ ಹಂತದ ಲಾಕ್​ ಡೌನ್ ಬಳಿಕ ಸಾರಿಗೆ ಸೇವೆ ಅಷ್ಟಕಷ್ಟೇಯಾಗಿತ್ತು. ಇದೀಗ ಕೊರೊನಾ ಸೋಂಕಿನ ಪ್ರಕರಣಗಳು ಜಾಸ್ತಿಯಾಗುತ್ತಿದ್ದಂತೆ, ಕೊರೊನಾ ಭಯಕ್ಕೆ ಜನರು ಬಸ್​​ಗಳಲ್ಲಿ ಸಂಚರಿಸುವುದನ್ನೇ ಮರೆತಿದ್ದಾರೆ. ಈ ಹಿಂದೆ ಪ್ರಯಾಣಿಕರು ಬಸ್ಸಿಗಾಗಿ ಕಾಯುತ್ತಿದ್ದರು. ಇದೀಗ ಬದಲಾದ ಸನ್ನಿವೇಶದಲ್ಲಿ ಬಸ್ಸುಗಳು ಪ್ರಯಾಣಿಕರಿಗೆ ಕಾಯುವಂತಾಗಿದೆ.

ಸದ್ಯದ ತಿಂಗಳುಗಳಲ್ಲಿ ಮದುವೆ ಸೀಜನ್​ನಲ್ಲಿ ಪ್ರತಿ ಬಸ್ 45 ಸಾವಿರ ಆದಾಯ ತರುತಿತ್ತು. ಇದೀಗ 9 ಬಸ್ಸುಗಳು ಸಂಚರಿಸಿದರೂ ಇಷ್ಟು ಆದಾಯ ಬರುತ್ತಿಲ್ಲ. ಬೆಂಗಳೂರು, ಮಂಗಳೂರು ಇತರೇ ಮಹಾ ನಗರಗಳಿಗೆ ಜನ ಗುಳೆ ಹೋಗುವುದು ಸ್ಥಗಿತವಾಗಿದ್ದು, ಆದಾಯಕ್ಕೆ ಹೊಡೆತ ಬಿದ್ದಿರುವುದು ಒಂದೆಡೆಯಾದರೆ ಬೆಂಗಳೂರು, ರಾಯಚೂರು, ಸಿಂಧನೂರು ಸೇರಿದಂತೆ ಕೆಲವು ತಾಲೂಕುಗಳ ಸ್ವಯಂಪ್ರೇರಿತ ಲಾಕ್​ ಡೌನ್ ಹಿನ್ನೆಲೆಯಲ್ಲಿ 17 ಬಸ್ಸುಗಳನ್ನು ಮಾತ್ರ ನಿಲ್ದಾಣಕ್ಕೆ ಬಿಡಲಾಗಿದೆ. ಪ್ರಯಾಣಿಕ ಯಾರೂ ಹತ್ತದಿರುವುದರಿಂದ ಕೆಲವೇ ಬಸ್​ಗಳು ಸಂಚರಿಸುತ್ತಿವೆ. ಬಹುತೇಕ ಬಸ್ಸುಗಳು ನಿಲ್ದಾಣದಲ್ಲಿ ನಿಂತು, ಡಿಪೋ ಸೇರಿವೆ. 74 ಬಸ್​ಗಳು ಡಿಪೋದಲ್ಲೇ ಠಿಕಾಣಿ ಹೂಡಿವೆ.