ಕೋವಿಡ್​ ನಿಯಂತ್ರಣಕ್ಕೆ ಕ್ರಮ : ಕುಷ್ಟಗಿ ವಾರದ ಹಾಗೂ ದಿನದ ಸಂತೆ ಸ್ಥಳಾಂತರ

ಏಪ್ರಿಲ್ ಹಾಗೂ ಮೇ ತಿಂಗಳ ಜಾತ್ರೋತ್ಸವ ನಿಷೇಧಿಸಲಾಗಿದೆ. ಕೋವಿಡ್ ಹಿಮ್ಮೆಟ್ಟಿಸಲು ತಾಲೂಕಾಡಳಿತ ಕ್ರಮದ ಮಾರ್ಗಸೂಚಿಗಳನ್ನು ಸಾರ್ವಜನಿಕರು ಪಾಲಿಸಬೇಕೆಂದು ಮನವಿ ಮಾಡಿದರು..

ಕುಷ್ಟಗಿ (ಕೊಪ್ಪಳ) :ಕೋವಿಡ್ 2ನೇ ಅಲೆ ಭೀತಿ ಹಿನ್ನೆಲೆ ಕುಷ್ಟಗಿಯ ವಾರದ ಹಾಗೂ ದಿನದ ಸಂತೆಯನ್ನು ತಾತ್ಕಾಲಿಕವಾಗಿ ತಾಲೂಕು ಕ್ರೀಡಾಂಗಣಕ್ಕೆ ಸ್ಥಳಾಂತರಿಸಲಾಗಿದೆ ಎಂದು ತಹಶೀಲ್ದಾರ್ ಎಂ.ಸಿದ್ದೇಶ್ ತಿಳಿಸಿದರು.

ಈ ಕುರಿತು ಈಟಿವಿ ಭಾರತ ಪ್ರತಿನಿಧಿಯೊಂದಿಗೆ ಮಾತನಾಡಿದ ಅವರು, ಜನಸಂದಣಿ ಪ್ರದೇಶವಾದ ಬನ್ನಿಕಟ್ಟೆ ಸಂತೆ ಮೈದಾನ ಇಕ್ಕಟ್ಟಾಗಿದೆ. ಬೇರೆಡೆಯಿಂದ ಜನ ವ್ಯವಹಾರಕ್ಕೆ ಬರುತ್ತಿದ್ದು, ಕೋವಿಡ್ ಬಹುಬೇಗನೆ ಹರಡುವ ಸಾಧ್ಯತೆಗಳಿವೆ. ಹಾಗಾಗಿ, ಪುರಸಭೆಯು ಮುನ್ನೆಚ್ಚರಿಕಾ ಕ್ರಮದಿಂದ ತಾಲೂಕು ಕ್ರೀಡಾಂಗಣದಲ್ಲಿ ಸಂತೆ ನಡೆಸಲು ತೀರ್ಮಾನಿಸಲಾಗಿದೆ.

ಇದನ್ನೂ ಓದಿ:ಕೋವಿಡ್ ಮುಕ್ತಿಗಾಗಿ ಪಂಚಮುಖಿ ಹನುಮನಿಗೆ ವಿಶೇಷ ಪೂಜೆ

ಗ್ರಾಹಕರು, ವ್ಯಾಪಾರಸ್ಥರು, ರೈತರು ಮಾಸ್ಕ್ ಧರಿಸಿ ವ್ಯವಹರಿಸಲು ಸೂಚಿಸಲಾಗಿದೆ. ತಾಲೂಕಿನ ಎಲ್ಲಾ ದೇವಸ್ಥಾನ ಬಂದ್ ಮಾಡಲಾಗಿದೆ. ಏಪ್ರಿಲ್ ಹಾಗೂ ಮೇ ತಿಂಗಳ ಜಾತ್ರೋತ್ಸವ ನಿಷೇಧಿಸಲಾಗಿದೆ. ಕೋವಿಡ್ ಹಿಮ್ಮೆಟ್ಟಿಸಲು ತಾಲೂಕಾಡಳಿತ ಕ್ರಮದ ಮಾರ್ಗಸೂಚಿಗಳನ್ನು ಸಾರ್ವಜನಿಕರು ಪಾಲಿಸಬೇಕೆಂದು ಮನವಿ ಮಾಡಿದರು.