ಗಂಗಾವತಿ: ಕೊರೊನಾ ಹರಡುವಿಕೆ ಭೀತಿಯಿಂದ ಕೇಂದ್ರ ಸರ್ಕಾರ ಲಾಕ್ಡೌನ್ ಘೋಷಣೆ ಮಾಡಿದಾಗಿನಿಂದ ಇಲ್ಲಿವರೆಗೂ ರಜೆ ತೆಗೆದುಕೊಳ್ಳದೆ ಕೆಲಸ ಮಾಡಿದ ನಿಜವಾದ ವಾರಿಯರ್ಗಳನ್ನು ಸರ್ಕಾರ, ರಾಜಕಾರಣಿಗಳು ಹಾಗೂ ಸಂಘ ಸಂಸ್ಥೆಗಳು ಗುರುತಿಸಿಲ್ಲ ಎಂದು ಸಿಲಿಂಡರ್ ಡೆಲಿವರಿ ಮಾಡುವವರು ಅಸಮಾಧಾನ ಹೊರ ಹಾಕಿದ್ದಾರೆ.
ನಮ್ಮ ಸೇವೆಯನ್ನು ಯಾರೂ ಗುರುತಿಸಿಲ್ಲ: ಸಿಲಿಂಡರ್ ಡೆಲಿವರಿ ಬಾಯ್ಸ್ ಅಸಮಾಧಾನ - Cylinder Delivery Boys
ಕೇಂದ್ರ ಸರ್ಕಾರ ಲಾಕ್ಡೌನ್ ಘೋಷಣೆಯಾದಾಗಿನಿಂದಲೂ ಒಂದು ದಿನವೂ ತಪ್ಪದೆ ಕರ್ತವ್ಯ ನಿರ್ವಹಿಸುತ್ತಿರುವ ಸಿಲಿಂಡರ್ ಡೆಲಿವರಿ ಬಾಯ್ಸ್ನ್ನು ಇದುವರೆಗೂ ಯಾರೂ ಕೊರೊನಾ ವಾರಿಯರ್ಸ್ ರೂಪದಲ್ಲಿ ಗುರುತಿಸದಿರುವುದು ಇವರ ಅಸಮಾಧಾನಕ್ಕೆ ಕಾರಣವಾಗಿದೆ.
ಸಿಲಿಂಡರ್ ಡೆಲಿವರಿ ಬಾಯ್ಸ್
ಲಾಕ್ಡೌನ್ ಬಳಿಕ ಎಲ್ಲರೂ ಮನೆಯಲ್ಲಿದ್ದು ಅಡುಗೆ ಮಾಡಿಕೊಂಡು ಹೊಟ್ಟೆ ತುಂಬ ಊಟ ಮಾಡಲು ನೆರವಾದ ಈ ಸಿಲಿಂಡರ್ ಡೆಲಿವರಿ ಬಾಬ್ಗಳನ್ನು ಮಾತ್ರ ಇದುವರೆಗೂ ಯಾರೂ ಕೂಡ ವಾರಿಯರ್ಸ್ ರೂಪದಲ್ಲಿ ಗುರುತಿಸದಿರುವುದು ಆ ವಲಯದಲ್ಲಿನ ಕೆಲಸಗಾರರ ಅಸಮಾಧಾನಕ್ಕೆ ಕಾರಣವಾಗಿದೆ.
ಸಿಲಿಂಡರ್ ಡೆಲಿವರಿ ಬಾಯ್ಸ್ ಕೆಲಸ ಗುರುತಿಸದ ಸರ್ಕಾರ
ಕ್ವಾರಂಟೈನ್ನಲ್ಲಿರುವ ಪಾಸಿಟಿವ್, ನೆಗೆಟಿವ್ ಹೀಗೆ ಎಲ್ಲರ ಮನೆಗಳವರೆಗೂ ಹೋಗಿ ಸಿಲಿಂಡರ್ ವಿತರಿಸುವ ಅಚ್ಚುಕಟ್ಟಾದ ಸೇವೆಯನ್ನು ಈ ಡೆಲಿವರಿ ಬಾಯ್ಸ್ ಮಾಡಿದ್ದಾರೆ. ಆದರೆ ಯಾರೊಬ್ಬರೂ ತಮ್ಮ ಸೇವೆಯನ್ನು ಗುರುತಿಸಿ ಪ್ರೋತ್ಸಾಹಿಸದಿರುವುದು ನೋವು ಉಂಟು ಮಾಡಿದೆ ಎಂದು ಡೆಲಿವರಿ ಬಾಯ್ಸ್ ಅಳಲು ತೋಡಿಕೊಂಡಿದ್ದಾರೆ.