ಗಂಗಾವತಿ: ರೈತರು ಬೆಳೆದ ಬೆಳೆಗೆ ಮಾರುಕಟ್ಟೆಯಲ್ಲಿ ಸೂಕ್ತ ಬೆಲೆ ಸಿಗಲೆಂಬ ಕಾರಣಕ್ಕಾಗಿ ಸರ್ಕಾರ ಇದೀಗ ಕನಿಷ್ಠ ಬೆಂಬಲ ಬೆಲೆ (ಎಂಎಸ್ಪಿ) ಯೋಜನೆಯಡಿ ಗಂಗಾವತಿ ಹಾಗೂ ಕಾರಟಗಿ ತಾಲೂಕಿನಲ್ಲಿ ಭತ್ತ ಖರೀದಿ ಕೇಂದ್ರವನ್ನು ಆರಂಭಿಸಿದೆ. ಆದರೆ ಸರ್ಕಾರ ತೆರೆದಿರುವ ಈ ಭತ್ತ ಖರೀದಿ ಕೇಂದ್ರದಿಂದ ಯಾವುದೇ ಲಾಭ ರೈತರಿಗೆ ಆಗುತ್ತಿಲ್ಲ. ಬದಲಿಗೆ ಮಾರುಕಟ್ಟೆಯಲ್ಲಿ ಧಾರಣೆ ಕುಸಿತಕ್ಕೆ ಕಾರಣವಾಗುತ್ತಿದೆ ಎಂದು ರೈತರು ಆಕ್ಷೇಪಿಸಿದ್ದಾರೆ.
ಕನಿಷ್ಟ ಬೆಂಬಲ ಬೆಲೆಗೆ ಗಂಗಾವತಿ ರೈತರ ಅಸಮಾಧಾನ
ಸರ್ಕಾರ ಘೋಷಣೆ ಮಾಡಿರುವ ಬೆಲೆಯಲ್ಲಿ ಅಂದರೆ, ಸಾಮಾನ್ಯ ಭತ್ತ ಕ್ವಿಂಟಲ್ಗೆ ರೂ.1800 ಹಾಗೂ ಗ್ರೇಡ್-ಎಗೆ ರೂ. 1880 ರೈತರಿಗೆ ಆಗುವ ಹಾನಿಯನ್ನು ಸರಿದೂಗಿಸಲಾರದು. ಕನಿಷ್ಠ 2,200 ರಿಂದ 2,300 ರೂಪಾಯಿ ಇದ್ದರೆ ಮಾತ್ರ ರೈತರು ಆರ್ಥಿಕ ಹಾನಿಯಿಂದ ಪಾರಾಗಬಹುದು ಎಂಬುವುದು ರೈತರ ಲೆಕ್ಕಾಚಾರ.