ಉದ್ಬವ ಲಕ್ಷ್ಮಿಗೆ ಗಂಗೆಯ ದಿಗ್ಭಂಧನ: ಭಕ್ತರು ಕಂಗಾಲು

ಕೊಪ್ಪಳದ ಗಂಗಾವತಿಯ ಜುಲಾಯಿನಗರದ ಅತ್ಯಂತ ಹೆಚ್ಚು ಭಕ್ತರನ್ನು ಹೊಂದಿರುವ ಉದ್ಭವ ಲಕ್ಷ್ಮಿಯ ದೇಗುಲಕ್ಕೆ ಗಂಗೆ ದಿಗ್ಬಂಧನ ಹಾಕಿದ್ದಾಳೆ. ಇದರಿಂದ ಪೂಜೆಗೆ ಬಂದ ಭಕ್ತರು ಪರದಾಡಬೇಕಾಯಿತು.

ಗಂಗಾವತಿ:ಜುಲಾಯಿನಗರ (ಇಂದಿರಾ ವೃತ್ತ)ದ ಕಂಪ್ಲಿ ರಸ್ತೆಯಲ್ಲಿರುವ ಉದ್ಬವ ಲಕ್ಷ್ಮಿ ದೇವಿಗೆ ಗಂಗೆ ದಿಗ್ಬಂಧನ ಹಾಕಿದ ಘಟನೆ ಇಂದು ನಡೆದಿದೆ.

ಅತ್ಯಂತ ಹೆಚ್ಚು ಭಕ್ತರನ್ನು ಹೊಂದಿರುವ ಮತ್ತು ಅಪಾರ ಜನರ ಶ್ರದ್ಧೆ, ನಂಬಿಕೆಯ ಕೇಂದ್ರವಾಗಿರುವ ಉದ್ಬವ ಲಕ್ಷ್ಮಿಯ ಇಡೀ ದೇಗುಲ ಜಲಾವೃತಗೊಂಡಿದ್ದು, ಪೂಜೆಗೆ ಬಂದಿದ್ದ ಭಕ್ತರು ಪರದಾಡಬೇಕಾಯಿತು.

ರಸ್ತೆಗಿಂತಲೂ ದೇಗುಲ ಕೆಳಗಿದೆ. ಅಲ್ಲದೇ ದೇಗುಲದ ಸುತ್ತಲೂ ಇರುವ ಎರಡು ಚರಂಡಿಗಳನ್ನು ಅಭಿವೃದ್ಧಿ ಸಮಿತಿಯವರು ಒತ್ತುವರಿ ಮಾಡಿದ್ದರಿಂದ ಚರಂಡಿ ಮತ್ತು ಮಳೆ ನೀರು ದೇಗುಲ ಪ್ರವೇಶಿಸಿದೆ. ಈ ಬಗ್ಗೆ ಕೂಡಲೇ ಅಭಿವೃದ್ಧಿ ಸಮಿತಿ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಭಕ್ತರು ಒತ್ತಾಯಿಸಿದ್ದಾರೆ.