ಕುಡುಕರ ಅಡ್ಡೆಯಾದ ಡಾ. ರಾಜಕುಮಾರ್​ ಕಲ್ಯಾಣ ಮಂಟಪ!

ಕಟ್ಟಡ ದುರಸ್ಥಿ ಮಾಡಿಸಿ ಸಮರ್ಪಕವಾಗಿ ಬಳಸಿಕೊಳ್ಳದ ಕಾರಣ ಮದ್ಯ ವ್ಯಸನಿಗಳು ಈ ಜಾಗವನ್ನ ತಮ್ಮ ಅಡ್ಡೆಯಾಗಿ ಮಾರ್ಪಡಿಸಿಕೊಂಡಿದ್ದಾರೆ.

ಕುಷ್ಟಗಿ (ಕೊಪ್ಪಳ):ಪಟ್ಟಣದ ಡಾ.ರಾಜಕುಮಾರ್​ ಕಲ್ಯಾಣ ಮಂಟಪ ಕುಡುಕರ ಅಡ್ಡೆಯಾಗಿ ಮಾರ್ಪಟ್ಟಿದ್ದು, ಪುರಸಭೆ ದಿವ್ಯ ನಿರ್ಲಕ್ಷ್ಯದಿಂದ ಇದೀಗ ದಿನದಿಂದ ದಿನಕ್ಕೆ ಅವ್ಯವಸ್ಥೆಯ ಆಗರವಾಗುತ್ತಿದೆ.

ಡಾ. ರಾಜಕುಮಾರ್​ ಕಲ್ಯಾಣ ಮಂಟಪ ದುಸ್ಥಿತಿ

ಕಟ್ಟಡ ದುರಸ್ಥಿ ಮಾಡಿಸಿ ಸಮರ್ಪಕವಾಗಿ ಬಳಸಿಕೊಳ್ಳದ ಕಾರಣ ಮದ್ಯ ವ್ಯಸನಿಗಳು ಇಲ್ಲಿ ಕುಡಿದು, ಜಾಗ ಹಾಳು ಮಾಡ್ತಿದ್ದಾರೆ. ಸುಮಾರು ಒಂದೂವರೆ ದಶಕದಷ್ಟು ಹಳೆಯದಾಗಿರುವ ಈ ಕಟ್ಟಡ ಪುರಸಭೆ ಅಧೀನದಲ್ಲಿದೆ. ಕಟ್ಟಡವನ್ನ ಸಂಪೂರ್ಣವಾಗಿ ತೆರವುಗೊಳಿಸಿ, ಹೊಸ ಕಟ್ಟಡ ನಿರ್ಮಾಣಮಾಡಬೇಕು ಎಂಬುದು ಸಂಘ-ಸಂಸ್ಥೆಗಳ ಬೇಡಿಕೆಯಾಗಿದ್ದು, ಇದಕ್ಕೆ ಸ್ಥಳೀಯ ಶಾಸಕರು ಹಾಗೂ ಪುರಸಭೆ ತಲೆಕೆಡಿಸಿಕೊಂಡಿಲ್ಲ.

ಪ್ರತಿದಿನ ಮದ್ಯ ಖರೀದಿ ಮಾಡಿ ಇಲ್ಲಿಗೆ ಬರುವ ಕುಡುಕರು ಇದೇ ಸ್ಥಳದಲ್ಲಿ ಕುಳಿತುಕೊಂಡು ಮದ್ಯಪಾನ ಮಾಡುತ್ತಿರುವುದು ನಿಜಕ್ಕೂ ಪ್ರಜ್ಞಾವಂತ ನಾಗರಿಕರು ತಲೆ ತಗ್ಗಿಸುವಂತೆ ಮಾಡಿದೆ.