ರಾಜ್ಯಾದ್ಯಂತ ಬೆಡ್​ಗಳ ಬಿಕ್ಕಟ್ಟು... ಈ ಜಿಲ್ಲಾಸ್ಪತ್ರೆಯಲ್ಲಿ ನಾಯಿಗಳ ವಾಸ!

ರಾಜ್ಯದಲ್ಲಿ ದಿನದಿಂದ ದಿನಕ್ಕೆ ಕೊರೊನಾ ಸಂಖ್ಯೆ ಹೆಚ್ಚಾಗ್ತಿದ್ದು, ಬೆಡ್​ಗಳು ಸಿಗದೇ ಕೊರೊನಾ ರೋಗಿಗಳು ನರಳುವಂತಹ ಸ್ಥಿತಿ ಎದುರಾಗಿದೆ. ಆದ್ರೆ ಕೊಪ್ಪಳ ಜಿಲ್ಲಾಸ್ಪತ್ರೆ ಮಾತ್ರ ನಾಯಿಗಳ ವಾಸ ಸ್ಥಾನವಾಗಿದೆಯಾ ಎಂಬ ಅನುಮಾನ ಕಾಡುತ್ತಿದೆ.

ಕೊಪ್ಪಳ: ರಾಜ್ಯದಲ್ಲಿ ಕೊರೊನಾ ಭೀತಿ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ರೋಗಿಗಳಿಗೆ ಬೆಡ್​ ಸಿಗದೆ ಪರದಾಡುತ್ತಿದ್ದಾರೆ. ಆದ್ರೆ ನಗರದ ಜಿಲ್ಲಾಸ್ಪತ್ರೆ ನಾಯಿಗಳ ವಾಸ ಸ್ಥಾನವಾಗಿದೆಯಾ ಎಂಬ ಅನುಮಾನಗಳು ಮೂಡಿವೆ.

ನಗರದಲ್ಲಿರುವ ಜಿಲ್ಲಾಸ್ಪತ್ರೆಯ ಸಿಬ್ಬಂದಿ ನಿರ್ಲಕ್ಷ್ಯಕ್ಕೆ ಸಾಕ್ಷಿ ಎಂಬಂತೆ ಕೊಠಡಿಯೊಂದು ನಾಯಿಯ ವಾಸ ಸ್ಥಳವಾಗಿದೆ. ಜಿಲ್ಲಾಸ್ಪತ್ರೆಯ ಎರಡನೇ ಮಹಡಿಯಲ್ಲಿರುವ ಕೊಠಡಿಯೊಂದರೊಳಗೆ ನಾಯಿಯೊಂದು ಬೀಡುಬಿಟ್ಟಿದೆ.

ಈ ಮೊದಲು ಆ ಕೊಠಡಿಯಲ್ಲಿ ಕೊರೊನಾ ಲಸಿಕೆ ಹಾಕಲಾಗುತ್ತಿತ್ತು. ಈಗ ಲಸಿಕೆ ಹಾಕುವ ಸ್ಥಳವನ್ನು ಬೇರೆ ಕಡೆ ಸ್ಥಳಾಂತರಿಸಲಾಗಿದೆ. ಖಾಲಿ ಇರುವ ಈ ಕೊಠಡಿಯಲ್ಲಿ ನಾಯಿ ಬಂದು ಮಲಗಿಕೊಂಡಿದೆ. ಸಿಬ್ಬಂದಿ ಅಲ್ಲಿಯೇ ಓಡಾಡುತ್ತಿದ್ದರೂ ಸಹ ನಾಯಿಯನ್ನು ಓಡಿಸದೆ ಸುಮ್ಮನಿದ್ದರು. ಇದು ಸಿಬ್ಬಂದಿ ನಿರ್ಲಕ್ಷ್ಯಕ್ಕೆ ಹಿಡಿದ ಕನ್ನಡಿಯಾಗಿದೆ.

ಓದಿ:ರಾಜಧಾನಿಯಲ್ಲಿ 2ವಾರದಲ್ಲಿ ಕೋವಿಡ್ ಹತೋಟಿಗೆ.. ಗ್ರಾಮೀಣ ಪ್ರದೇಶದಲ್ಲಿ ಏರಿಕೆ.. ಸಚಿವ ಡಾ. ಸುಧಾಕರ್