ಕೊರೊನಾ ಸೋಕಿಂತ ವ್ಯಕ್ತಿಯ ಪ್ರಾಥಮಿಕ ಸಂಪರ್ಕ ಹೊಂದಿದ್ದ ಮಹಿಳೆ ನ್ಯಾಯಾಲಯಕ್ಕೆ ಹಾಜರು!

ಕೊರೊನಾ ಸೋಕಿಂತ ವ್ಯಕ್ತಿಯ ಜೊತೆ ಪ್ರಾಥಮಿಕ ಸಂಪರ್ಕ ಹೊಂದಿದ್ದ ಮಹಿಳೆಯನ್ನು ನ್ಯಾಯಾಧೀಶ ಹರೀಶ್ ಪಾಟೀಲ್ ಅವರ ಮುಂದೆ ಹಾಜರು ಪಡಿಸಲಾಯಿತು.

ಕೊಪ್ಪಳ:ಕೊರೊನಾ ಸೋಕಿಂತ ವ್ಯಕ್ತಿಯ ಪ್ರಾಥಮಿಕ ಸಂಪರ್ಕ ಹೊಂದಿದ್ದ ಮಹಿಳೆಯನ್ನು ಇಂದು ನಗರದಲ್ಲಿರುವ ಜೆಎಂಎಫ್​​​​ಸಿ ನ್ಯಾಯಾಲಯದ ಮುಂದೆ ಹಾಜರು ಪಡಿಸಲಾಗಿತ್ತು.

ಮುಂಬೈನಿಂ ದ ಹುಬ್ಬಳ್ಳಿಗೆ ಬಂದು ಏಪ್ರಿಲ್ 13ರಂದು ರಾತ್ರಿ ಕೊಪ್ಪಳಕ್ಕೆ ಬಂದಿದ್ದ ಮಹಿಳೆಯನ್ನು ನ್ಯಾಯಾಧೀಶ ಹರೀಶ್ ಪಾಟೀಲ್ ಅವರ ಮುಂದೆ ಹಾಜರು ಪಡಿಸಲಾಯಿತು.

ಕಲಂ 164 ಸಿಆರ್​​​ಪಿಸಿ ಅಡಿಯಲ್ಲಿ ಮಹಿಳೆ ತನ್ನ ಹೇಳಿಕೆ ನೀಡಿದ್ದು, ಇವರು ಧಾರವಾಡದ P194 ಸೋಕಿಂತ ವ್ಯಕ್ತಿಯ ಜೊತೆ ಬಸ್​​​​​ನಲ್ಲಿ ಪ್ರಯಾಣ ಮಾಡಿದ್ದರು. ಮುಂಬೈ ಮೂಲದ ಮಹಿಳೆಗೆ ಪಾಸ್ ಕೊಡಿಸುವುದಾಗಿ ಹೇಳಿ ನಗರಾಭಿವೃದ್ಧಿ ಪ್ರಾಧಿಕಾರದ ಮಾಜಿ ಅಧ್ಯಕ್ಷ ಗುರುಬಸವ ಹೊಳಗುಂದಿ, ಏಪ್ರಿಲ್ 13ರಂದು ರಾತ್ರಿ ಹುಬ್ಬಳ್ಳಿಯಿಂದ ಕೊಪ್ಪಳಕ್ಕೆ ಕರೆ ತಂದಿದ್ದರಂತೆ. ಈ ಕುರಿತಂತೆ ಗುರುಬಸವ ಹೊಳಗುಂದಿ ಹಾಗೂ ಮಹಿಳೆ ವಿರುದ್ಧ ಕೊಪ್ಪಳ ನಗರ ಠಾಣೆಯಲ್ಲಿ ತಹಶೀಲ್ದಾರ್ ದೂರು ದಾಖಲಿಸಿದ್ದರು.