ಹೈದರಾಬಾದ್​​ನಿಂದ ಗಂಗಾವತಿಗೆ ಪ್ರಯಾಣಿಸಿದ ಕೋಳಿಗೂ ಅರ್ಧ ಟಿಕೆಟ್​ ನೀಡಿದ ಕಂಡಕ್ಟರ್​

ಸರ್ಕಾರಿ ಬಸ್​​​​​ಗಳಲ್ಲಿ ಸಾಕು ಪ್ರಾಣಿಗಳಿಗೆ ಟಿಕೆಟ್ ಖರೀದಿಸಬೇಕಾದ ನಿಯಮವಿದೆ. ಹೀಗಾಗಿ ನ.28ರಂದು ಹೈದರಾಬಾದ್​ನಿಂದ ಗಂಗಾವತಿಗೆ ಆಗಮಿಸಿದ ವ್ಯಕ್ತಿ ತಂದಿದ್ದ ಕೋಳಿಗೂ ಕಂಡಕ್ಟರ್​ ಅರ್ಧ ಟಿಕೆಟ್ ನೀಡಿದ್ದಾರೆ.

ಕುಷ್ಟಗಿ (ಕೊಪ್ಪಳ): ಕೆಎಸ್​ಆರ್​ಟಿಸಿ ಬಸ್​​ನಲ್ಲಿ ವ್ಯಕ್ತಿಯೊಬ್ಬ ತನ್ನ ಜೊತೆ ತೆಗೆದುಕೊಂಡು ಹೊರಟಿದ್ದ ಕೋಳಿಗೂ ಅರ್ಧ ಟಿಕೆಟ್ ನೀಡಿರುವ ಪ್ರಸಂಗ ನಡೆದಿದೆ. ಹೈದರಾಬಾದ್​ನಿಂದ ಗಂಗಾವತಿಗೆ ಆಗಮಿಸಿದ ಕಲ್ಯಾಣ ಕರ್ನಾಟಕ ಬಸ್​ನಲ್ಲಿ ಕೋಳಿಯೊಂದಕ್ಕೆ ಅರ್ಧ ಟಿಕೆಟ್ ನೀಡಿದ್ದು, ಕೋಳಿ ಮಾಲೀಕ 463 ರೂಪಾಯಿ ನೀಡಿ ಟಿಕೆಟ್ ಪಡೆದಿದ್ದಾನೆ.

ಸಾಕು ಪ್ರಾಣಿಗಳಿಗೆ ಬಸ್​​​​​ನಲ್ಲಿ ಅರ್ಧ ಟಿಕೆಟ್ ನೀಡುವ ಆದೇಶ ಜಾರಿಯಲ್ಲಿದೆ. ಅದರಂತೆ ನಿರ್ವಾಹಕ ಟಿಕೆಟ್ ನೀಡಿದ್ದು, ಈ ಕುರಿತು ಪರ-ವಿರೋಧ ಚರ್ಚೆಗಳು ಸಹ ನಡೆಯುತ್ತಿವೆ.

ಸದ್ಯ ಈ ಕೋಳಿ ಬೆಲೆ 400ರಿಂದ 450 ರೂಪಾಯಿಯಿದ್ದು, ಕೋಳಿಗಿಂತಲೂ ಹೆಚ್ಚಿನ ಬೆಲೆ ಟಿಕೆಟ್​​ಗೆ ನೀಡಿದಂತಾಗಿದೆ.

ಇದನ್ನೂ ಓದಿ:ಚಾಮರಾಜನಗರ ಮೆಡಿಕಲ್ ಕಾಲೇಜಿನ 6 ಮಂದಿ ವಿದ್ಯಾರ್ಥಿಗಳಿಗೆ ಕೋವಿಡ್ : ಸಿಮ್ಸ್ ಹಾಸ್ಟೆಲ್ ಸೀಲ್​ಡೌನ್​​