ಗಂಗಾವತಿ: ಲಾಕ್ಡೌನ್ ಹಿನ್ನೆಲೆ ಜನಸಂದಣಿ ಇಲ್ಲದ್ದನ್ನ ಕಂಡು ನಾಗರಹಾವೊಂದು ಜನವಸತಿ ಪ್ರದೇಶದಕ್ಕೆ ಬಂದಾಗ ಜನರನ್ನ ಕಂಡು ತಕ್ಷಣ ಚರಂಡಿ ಸೇರಿ ಮೇಲೆ ಬರಲಾರದೆ ಪರದಾಡಿದ ಪಟ್ಟ ಘಟನೆ ನಗರದಲ್ಲಿ ನಡೆದಿದೆ.
ರಸ್ತೆಗೆ ಬಂದ ನಾಗರಹಾವು
ಚರಂಡಿಗೆ ಬಿದ್ದು ಪರದಾಡಿದ ನಾಗರಹಾವು! - ಗಂಗಾವತಿ ನಾಗರಹಾವು ರಕ್ಷಣೆ
ಆಹಾರ ಅರಸಿ ಜನವಸತಿ ಪ್ರದೇಶಕ್ಕೆ ಬಂದ ನಾಗರಹಾವು ಕೆಲ ಹುಡುಗರನ್ನು ಕಂಡು ತಕ್ಷಣ ಪಕ್ಕದ ಚರಂಡಿ ಸೇರಿದೆ. ಹೊಡೆದು ಸಾಯಿಸಲು ಮುಂದಾಗಿದ್ದ ಜನರನ್ನ ತಡೆದ ಯುವಕನೊಬ್ಬ ಉರಗ ರಕ್ಷಕನಿಗೆ ಮಾಹಿತಿ ನೀಡಿದ್ದಾನೆ.
ನಾಗರಹಾವು
ನಗರದ ಈದ್ಗಾ ಹಿಂದಿನ ಬೀದಿಯಲ್ಲಿ ಜನರಿಲ್ಲದ್ದನ್ನು ಗಮನಿಸಿದ ನಾಗರಹಾವು ಆಹಾರ ಅರಸಿ ಸಾಗುತ್ತಿರುವಾಗ ಜನರನ್ನು ಕಂಡು ಪ್ರಾಣ ಭಯದಿಂದ ಪಾರಾಗಲು ಹೋಗಿ ಜರಂಡಿ ಸೇರಿತ್ತು. ಸ್ಥಳಕ್ಕೆ ಬಂದ ಜನರು ಅದನ್ನು ಹೊರಗೆಳೆದು ಹೊಡೆದು ಹಾಕಲು ಪ್ರಯತ್ನಿಸಿದ್ದರು.
ಆದರೆ ಸ್ಥಳದಲ್ಲಿಯೇ ಇದ್ದ ರೋಹಿತ್ ಎಂಬ ಯುವಕ ಸ್ನೇಕ್ ಪುಟ್ಟು ಎಂಬುವವರಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಬಂದ ಉರಗ ಪ್ರೇಮಿ ಹಾವನ್ನ ರಕ್ಷಿಸಿ ಸುರಕ್ಷಿತ ಸ್ಥಳಕ್ಕೆ ಬಿಟ್ಟಿದ್ದಾರೆ.