ಫ್ಯಾಷನ್​​ ಲೋಕದ ತಾರೆಗಳನ್ನೇ ನಾಚಿಸಿದ ಪುಟಾಣಿಗಳ ಕ್ಯಾಟ್ ವಾಕ್

ನಗರದ ಮಹಾನ್ ಕಿಡ್ಸ್ ಶಾಲೆಯಲ್ಲಿ ಮಕ್ಕಳಿಗಾಗಿ ಆಯೋಜಿಸಿದ್ದ ಫ್ಯಾಶನ್ ಶೋ ಕಾರ್ಯಕ್ರಮದಲ್ಲಿ ಕ್ಯಾಟ್​​​​ ವಾಕ್ ಮಾಡಿ ಗಮನ ಸೆಳೆದ ಪುಟಾಣಿಗಳು.

ಗಂಗಾವತಿ: ತೊದಲು ನುಡಿಯುವ ಮಕ್ಕಳನ್ನು, ಪುಟ್ಟ ಹೆಜ್ಜೆಗಳನ್ನು ಹಾಕುತ್ತಾ ಓಡಾಡುವ ಪುಟಾಣಿಗಳನ್ನು ನೋಡುವುದೇ ಒಂದು ಸೊಗಸು. ಇಂತಹ ಹಾಲುಗಲ್ಲದ ಕಂದಮ್ಮಗಳು ಫ್ಯಾಷನ್ ಲೋಕಕ್ಕೆ ಪಾದಾರ್ಪಣೆ ಮಾಡಿದರೆ ಹೇಗಿರುತ್ತದೆ ಗೊತ್ತಾ... ಇಲ್ಲಿದೆ ನೋಡಿ ಆ ಝಲಕ್.

ನಗರದ ಮಹಾನ್ ಕಿಡ್ಸ್ ಶಾಲೆಯಲ್ಲಿ ಮಕ್ಕಳಿಗಾಗಿ ಆಯೋಜಿಸಿದ್ದ ಫ್ಯಾಶನ್ ಶೋ ಕಾರ್ಯಕ್ರಮದಲ್ಲಿ ಒಂದೂವರೆ, ಎರಡು-ಮೂರು ವರ್ಷದ ಪುಟಾಣಿಗಳು ಮುದ್ದುಮುದ್ದಾಗಿ ಕ್ಯಾಟ್​​​​ ವಾಕ್​ ಮಾಡುತ್ತಾ ಬರುತ್ತಿದ್ದರೆ ಫ್ಯಾಷನ್ ಲೋಕದ ತಾರೆಗಳನ್ನೇ ನಾಚಿಸುವಂತಿತ್ತು.