ಕೆರೆಯಲ್ಲಿ ಈಜಲು ತೆರಳಿದ್ದ ವೇಳೆ ಆಯತಪ್ಪಿ ಬಿದ್ದು ವಿದೇಶಿ ಪ್ರಜೆ ಸಾವು

ಈಜಲು ತೆರಳಿದ್ದ ವಿದೇಶಿ ಪ್ರಜೆಯೊಬ್ಬ ಸಾವು- ಹಂಪಿ ಪ್ರವಾಸಕ್ಕೆಂದು ಬಂದಿದ್ದ ವೇಳೆ ದುರ್ಘಟನೆ - ಇಂಗ್ಲೆಂಡ್ ದೇಶದ ಫ್ರಾನ್ಸಿಸ್ ಅಯಾನ್ (68) ಮೃತ ವ್ಯಕ್ತಿ- ಗಂಗಾವತಿ ತಾಲೂಕಿನ ಸಾಣಾಪುರ ಕೆರೆಯಲ್ಲಿ ಘಟನೆ

ಕೊಪ್ಪಳ: ಕೆರೆಯಲ್ಲಿ ಈಜಲು ತೆರಳಿದ್ದ ವೇಳೆ ಆಯತಪ್ಪಿ ಬಿದ್ದು ವಿದೇಶಿ ಪ್ರಜೆಯೊಬ್ಬ ಸಾವನ್ನಪ್ಪಿರುವ ಘಟನೆ ಜಿಲ್ಲೆಯ ಗಂಗಾವತಿ ತಾಲೂಕಿನ ಸಾಣಾಪುರ ಕೆರೆಯಲ್ಲಿ ನಡೆದಿದೆ.

ಇಂಗ್ಲೆಂಡ್ ದೇಶದ ಪ್ರಜೆ ಫ್ರಾನ್ಸಿಸ್ ಅಯಾನ್ (68) ಮೃತ ವ್ಯಕ್ತಿ. ಹಂಪಿಯ ಪ್ರವಾಸಕ್ಕೆಂದು ಫ್ರಾನ್ಸಿಸ್ ಭಾರತಕ್ಕೆ ಬಂದಿದ್ದರು. ಫ್ರಾನ್ಸಿಸ್​ ಗಂಗಾವತಿ ತಾಲೂಕಿನ ಹನುಮನಳ್ಳಿಯ ಬಾಬಾ ಕೆಫೆಯಲ್ಲಿ ಉಳಿದುಕೊಂಡಿದ್ದರು. ಸಾಣಾಪುರ ಕೆರೆಯಲ್ಲಿ ಈಜಲು ಹೋದ ವೇಳೆ ಆಯತಪ್ಪಿ ನೀರಿಗೆ ಬಿದ್ದು ಸಾವನ್ನಪ್ಪಿದ್ದಾರೆ.ಈ ಸಂಬಂಧ ಗಂಗಾವತಿ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.