ಸತತ ನಾಲ್ಕನೇ ದಿನವೂ ಕೋಲಾರದಲ್ಲಿ ಬಾರ್​ಗೆ ಕನ್ನ ಹಾಕಿದ ಖದೀಮರು... ಎಣ್ಣೆಗಾಗಿ ಏನೆಲ್ಲಾ ಸಾಹಸ

ಕೋಲಾರ ಜಿಲ್ಲೆ ಕೆಜಿಎಫ್ ನಗರದ ಅಂಡರ್ಸನ್ ಪೇಟೆಯಲ್ಲಿನ ಬಾರ್​​ಗೆ ಖದೀಮರು ಕನ್ನ ಹಾಕಿದ್ದಾರೆ. ಜಿಲ್ಲೆಯಲ್ಲಿ ಕಳೆದ ನಾಲ್ಕು ದಿನಗಳಿಂದ ಖದೀಮರು ಬಾರ್​​ಗೆ ಕನ್ನ ಹಾಕುತ್ತಿದ್ದಾರೆ.

ಕೋಲಾರ: ನಗರದಲ್ಲಿ ಸತತ ನಾಲ್ಕನೇ‌ ದಿನವೂ ಬಾರ್​ಗೆ ಕನ್ನ ಹಾಕಿರುವ ಕಳ್ಳರು, ಲಕ್ಷಾಂತರ ರೂಪಾಯಿ ಮೌಲ್ಯದ ಮದ್ಯವನ್ನ ಕದ್ದು ಪರಾರಿಯಾಗಿದ್ದಾರೆ.

ಕೋಲಾರ ಜಿಲ್ಲೆ ಕೆಜಿಎಫ್ ನಗರದ ಅಂಡರ್ಸನ್ ಪೇಟೆಯಲ್ಲಿ ಈ ಘಟ‌ನೆ ಜರುಗಿದ್ದು, ಬೀರ್ ಶಾಪ್ ಏರಿಯಾದಲ್ಲಿರುವ ನ್ಯೂ ಲಕ್ಕಿ ವೈನ್ ಶಾಪ್​ನಲ್ಲಿ ಕಳ್ಳತನವಾಗಿದೆ. ಕಳೆದ ರಾತ್ರಿ ವೈನ್​ಶಾಪ್​ನ ಹಿಂಬದಿ ಗೋಡೆಗೆ ಕನ್ನ ಹಾಕಿರುವ ಕಳ್ಳರು ಲಕ್ಷಾಂತರ ಮೌಲ್ಯದ ಮದ್ಯವನ್ನ ಕದ್ದು ಪರಾರಿಯಾಗಿದ್ದಾರೆ.

ಬಾರ್​ ಗೋಡೆ ಕೊರೆದು ಕಳ್ಳತನ

ಇನ್ನು ನಾಲ್ಕು ದಿನದಿಂದ ಜಿಲ್ಲೆಯಲ್ಲಿ ಪ್ರತಿನಿತ್ಯ ಒಂದೊಂದು‌ ಬಾರ್ ಕಳ್ಳತನವಾಗುತ್ತಿದ್ದು, ಕಳ್ಳರ ಕೈಚಳಕ ದಿನದಿಂದ ದಿ‌ನಕ್ಕೆ ಹೆಚ್ಚಾಗುತ್ತಿದೆ. ಇನ್ನು ಸ್ಥಳಕ್ಕೆ ಆಂಡರ್ಸನ್ ಪೇಟೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಲಾಕ್​ಡೌನ್​ನಿಂದ ಮದ್ಯ ದೊರೆಯದ ಕಾರಣ ಕೋಲಾರದಲ್ಲಿ ಕುಡುಕ ಕಳ್ಳರ ಕೈಚಳಕ‌ ಮುಂದುವರೆದಿದ್ದು, ಮದ್ಯಪ್ರಿಯರು ಮದ್ಯಕ್ಕಾಗಿ ಪರಿತಪಿಸುತ್ತಿರುವ ಹಿ‌ನ್ನೆಲೆ ಇತ್ತೀಚೆಗೆ ಬಾರ್ ಕಳ್ಳತನಗಳು ಹೆಚ್ಚಾಗಿವೆ.