ಕೋಲಾರ: ಗಲ್ಪೇಟೆ ಪೊಲೀಸರು ಕಾರ್ಯಾಚರಣೆ ನಡೆಸಿ ವಿವಿಧ ಮನೆಗಳ್ಳತನ ಪ್ರಕರಣಗಳಲ್ಲಿ ಭಾಗಿಯಾಗಿದ್ದ ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಕೋಲಾರದ ಮಿಲ್ಲತ್‌ನಗರ, ಪ್ರಶಾಂತ್ ನಗರ ಸೇರಿದಂತೆ ಕೋಲಾರದ ವಿವಿಧೆಡೆ ಮನೆಗಳ್ಳತನ ಮಾಡಿದ್ದ ಚಿಂತಾ‌ಮಣಿ ಮೂಲದ ಇಂತಿಯಾಜ್ ಅಲಿಯಾಸ್ ಶಾರೂಖ್ ಖಾನ್ (48) ಬಂಧಿತ ಆರೋಪಿ.
ಬಂಧಿತ ಶಾರೂಖ್ ಖಾನ್ನಿಂದ ಸುಮಾರು 2.6 ಲಕ್ಷ ರೂ. ಬೆಲೆ ಬಾಳುವ ಚಿನ್ನ ಹಾಗೂ ಬೆಳ್ಳಿಯನ್ನ ವಶಪಡಿಸಿಕೊಂಡಿದ್ದಾರೆ. ಈ ಆರೋಪಿಯ ವಿರುದ್ಧ ಬೆಂಗಳೂರಿನ ಡಿಜೆಹಳ್ಳಿ, ಕೆಜೆ ಹಳ್ಳಿ ಸೇರಿದಂತೆ ಹಲವೆಡೆ ಕಳ್ಳತನ ಪ್ರಕರಣ ದಾಖಲಾಗಿವೆ.
ಕೋಲಾರ ಜಿಲ್ಲಾ ವರಿಷ್ಠಾಧಿಕಾರಿಗಳಾದ ಕಿಶೋರ್ ಬಾಬು ಅವರ ಮಾರ್ಗದರ್ಶನದಲ್ಲಿ ವಿಶೇಷ ತಂಡವೊಂದನ್ನ ರಚನೆ ಮಾಡಿ ಆರೋಪಿಯ ಪತ್ತೆಗೆ ಬಲೆಗಲ್‌ಪೇಟೆ ಪೊಲೀಸರು ಬಲೆ ಬೀಸಿದ್ದರು. ಕಾರ್ಯಾಚರಣೆಯಲ್ಲಿ ಗಲ್ಪೇಟೆ ಠಾಣೆಯ ಸಿಪಿಐ ಹರೀಶ್ ಹಾಗೂ ಎಸ್ಐ ವೇದಾವತಿ ನೇತೃತ್ವದ ತಂಡ ಭಾಗವಹಿಸಿದ್ದರು.