ಕೆಜಿಎಫ್ ಸುತ್ತ ಭೂ ವಿಜ್ಞಾನಿಗಳ ಸರ್ವೆ ಕಾರ್ಯ... ಮತ್ತೆ ಗಣಿ ಆರಂಭವಾಗುತ್ತಾ..?

ಕೋಲಾರ ಜಿಲ್ಲೆಯ ಕೆಜಿಎಫ್‌ನಲ್ಲಿ ಬೀಡುಬಿಟ್ಟಿರುವ ಭೂ ವಿಜ್ಞಾನಿಗಳು ಕೆಜಿಎಫ್ ಸುತ್ತಮುತ್ತ ಕಲ್ಲು ಹಾಗೂ ಮಣ್ಣಿನ ಮಾದರಿ ಸಂಗ್ರಹ ಮತ್ತು ಸರ್ವೇ ಕಾರ್ಯದಲ್ಲಿ ತೊಡಗಿದ್ದಾರೆ. ಕೇಂದ್ರ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ಪ್ರಿಯಾಂಕ ಹಾಗೂ ಸೋನಾ ಎಂಬ ಹಿರಿಯ ಅಧಿಕಾರಿಗಳು ಕೆಜಿಎಫ್ ಸುತ್ತಮುತ್ತ ಸಿಗುವ ವಿಶಿಷ್ಟ ಕಲ್ಲುಗಳ ಪರಿಶೀಲನೆಯಲ್ಲಿ ತೊಡಗಿದ್ದಾರೆ.

ಕೋಲಾರ : ಕೆಜಿಎಫ್‌ನಲ್ಲಿರುವ ಚಿನ್ನದ ಗಣಿ ಪ್ರದೇಶದಲ್ಲಿ ಬಿಜಿಎಂಎಲ್‌ಗೆ ಸೇರಿದ ಹಲವೆಡೆ ಕೇಂದ್ರ ಭೂ ವಿಜ್ಞಾನಿಗಳು ಸರ್ವೇ ಕಾರ್ಯ ನಡೆಸುತ್ತಿದ್ದಾರೆ.

ಕಳೆದೊಂದು ವಾರದಿಂದ ಕೋಲಾರ ಜಿಲ್ಲೆಯ ಕೆಜಿಎಫ್‌ನಲ್ಲಿ ಬೀಡುಬಿಟ್ಟಿರುವ ಭೂ ವಿಜ್ಞಾನಿಗಳು ಕೆಜಿಎಫ್ ಸುತ್ತಮುತ್ತ ಕಲ್ಲು ಹಾಗೂ ಮಣ್ಣಿನ ಮಾದರಿ ಸಂಗ್ರಹ ಮತ್ತು ಸರ್ವೇ ಕಾರ್ಯದಲ್ಲಿ ತೊಡಗಿದ್ದಾರೆ. ಕೇಂದ್ರ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ಪ್ರಿಯಾಂಕ ಹಾಗೂ ಸೋನಾ ಎಂಬ ಹಿರಿಯ ಅಧಿಕಾರಿಗಳು ಕೆಜಿಎಫ್ ಸುತ್ತಮುತ್ತ ಸಿಗುವ ವಿಶಿಷ್ಟ ಕಲ್ಲುಗಳ ಪರಿಶೀಲನೆಯಲ್ಲಿ ಮುಂದಾಗಿದ್ದಾರೆ.

ಈಗಾಗಲೇ ಚಿನ್ನದ ನಿಕ್ಷೇಪ ಹೇರಳವಾಗಿ ಸಿಗಲಿದೆ ಎಂಬ ವರದಿ ಜೊತೆಗೆ ಮತ್ತೆ ಗಣಿ ಪುನಾರಂಭಿಸುವ ಮಾತುಕತೆಗಳು ನಡೆಯುತ್ತಿರುವ ಬೆನ್ನಲ್ಲೆ ಕಲ್ಲು ಪರೀಕ್ಷೆ ಹಾಗೂ ಸರ್ವೇ ಕಾರ್ಯ ನಡೆಯುತ್ತಿರುವುದು ಗಣಿ ಆರಂಭ ಮಾಡುವ ಸೂಚನೆಯಾ ಎಂಬ ಕುತೂಹಲ ಜನರಲ್ಲಿ ಮೂಡಿದೆ.