ಕೋಲಾರ:ಕೊರೊನಾ ಲಾಕ್ಡೌನ್ ಹಿನ್ನೆಲೆ ಪ್ರಧಾನಮಂತ್ರಿ ಜನ್ಧನ್ ಖಾತೆಗೆ 500 ರೂ. ಸಹಾಯಧನ ಜಮಾ ಮಾಡಲಾಗಿದೆ. ಈ ಹಿನ್ನೆಲೆ ಹಣ ಬಿಡಿಸಿಕೊಳ್ಳಲು ಜನ ಬ್ಯಾಂಕ್ಗಳ ಮುಂದೆ ಸಾಲುಗಟ್ಟಿ ನಿಂತಿದ್ದಾರೆ. ಕೋಲಾರದ ಬಂಗಾರಪೇಟೆಯ ಕರ್ನಾಟಕ ಬ್ಯಾಂಕ್ ಮುಂದೆ ಲಾಕ್ಡೌನ್ ಇದ್ದರೂ ಜನರ ಗುಂಪೇ ನೆರೆದಿತ್ತು.
ಕೊರೊನಾ.. ಸಾಮಾಜಿಕ ಅಂತರ ಮರೆತು ಬಾಕ್ಸ್ನೊಳಗೆ ಚಪ್ಪಲಿ ಬಿಟ್ಟು ಒಟ್ಟಿಗೆ ಕುಳಿತ ಜನ.. ಈ ಹಿನ್ನೆಲೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಂತೆ ತಾತ್ಕಾಲಿಕ ಬಾಕ್ಸ್ಗಳನ್ನು ರಚಿಸಲಾಗಿತ್ತು. ಆದರೆ, ಜನ ಸಾಮಾಜಿಕ ಅಂತರ ಕಾಯ್ದುಕೊಳ್ಳದೆ ಒಂದೆಡೆ ಸೇರಿದ್ದಾರೆ. ಹೊರಗೆ ಬಿಸಿಲು ಹೆಚ್ಚಾಗಿದ್ದ ಕಾರಣ ಬಾಕ್ಸ್ಗಳಲ್ಲಿ ತಮ್ಮ ಚಪ್ಪಲಿ ಬಿಟ್ಟು ನೆರಳಿನಲ್ಲಿ ನಿಂತಿದ್ದರು. ಕಳೆದೆರಡು ದಿನಗಳಿಂದ ಬ್ಯಾಂಕ್ಗಳ ಮುಂದೆ ಮಹಿಳೆಯರ ಸಾಲು ಕಂಡು ಬರುತ್ತಿದ್ದು, ಲಾಕ್ಡೌನ್ ಇದ್ದರೂ ಹಣ ಬಿಡಿಸಿಕೊಂಡು ಹೋಗಲು ಬ್ಯಾಂಕ್ ಮುಂದೆ ಕ್ಯೂ ನಿಲ್ಲುತ್ತಿದ್ದಾರೆ.
