ಸಿದ್ದರಾಮಯ್ಯ ಬಳಸಿದ ಕ್ರಾಸ್ ಎಂಬ ಪದ ಅವರ ವಯಸ್ಸಿಗೆ ತಕ್ಕಂತ ಮಾತಲ್ಲ: ಸಂಸದ ಮುನಿಸ್ವಾಮಿ

ಸಿದ್ದರಾಮಯ್ಯ ಅವರು ಕ್ರಾಸ್ ಎಂಬ ಪದ ಬಳಸಿರುವುದು ಅವರ ವಯಸ್ಸಿಗೆ, ಹಿರಿತನಕ್ಕೆ ತಕ್ಕಂತಹ ಮಾತಲ್ಲ. ಈ ರೀತಿಯ ಹೇಳಿಕೆಗಳನ್ನು ಅವರು ನೀಡಬಾರದು ಎಂದು ಸಂಸದ ಎಸ್.ಮುನಿಸ್ವಾಮಿ ಹೇಳಿದರು.

ಕೋಲಾರ:ಸಿದ್ದರಾಮಯ್ಯ ಅವರು ಕ್ರಾಸ್ ಎಂಬ ಪದ ಬಳಕೆ ಮಾಡಿರುವುದು ಅವರ ವಯಸ್ಸಿಗೆ ತಕ್ಕದಾದುದಲ್ಲ ಎಂದು ಕೋಲಾರದಲ್ಲಿ ಸಂಸದ ಎಸ್. ಮುನಿಸ್ವಾಮಿ ಅಭಿಪ್ರಾಯ ವ್ಯಕ್ತಪಡಿಸಿದರು.

ನಗರದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಸಿದ್ದರಾಮಯ್ಯ ಅವರು ಹಿರಿಯರಾಗಿದ್ದು ಈ ರೀತಿಯ ಹೇಳಿಕೆಗಳನ್ನು ನೀಡಬಾರದು. ಕ್ರಾಸ್ ಎಂಬ ಪದವನ್ನು ಪ್ರಾಣಿಗಳಿಗೆ ಬಳಸುತ್ತಾರೆ. ಆದ್ರೆ ಸಿದ್ದರಾಮಯ್ಯ ಅವರು ಮತಗಳ ಓಲೈಕೆಗಾಗಿ, ಓಟ್ ಬ್ಯಾಂಕಿಗೋಸ್ಕರ ಈ ಪದವನ್ನು ಬಳಸಿದ್ದಾರೆ. ಹಿರಿಯರಾದ ಅವರು ಮುಂದೆ ಮಾತನಾಡುವಾಗ ಯೋಚಿಸಿ ಮಾತನಾಡಲಿ ಎಂದು ಸಲಹೆ ನೀಡಿದರು.

ಇಡೀ ದೇಶದಲ್ಲಿ ಯಾರು ಕ್ರಾಸಿಂಗ್ ಇಲ್ಲ, ಮತದಾರರನ್ನು ಸೆಳೆಯಲು ಈ ರೀತಿ ಹೇಳಿಕೆ ನೀಡಬಾರದು ಎಂದು ಸಂಸದ ಮುನಿಸ್ವಾಮಿ ಒತ್ತಾಯಿಸಿದರು.