ಮಸೀದಿಯೊಳಗೆ ನಮಾಜ್​ ಮಾಡುತ್ತಿದ್ದವರನ್ನು ವಶಕ್ಕೆ ಪಡೆದ ಲೇಡಿ ತಹಶೀಲ್ದಾರ್‌..

ಮಹಿಳೆಯರಿಗೆ ಮಸೀದಿಯೊಳಗೆ ನಿರ್ಬಂಧವಿದೆ. ಆದರೆ, ಕೋಲಾರ ತಹಶೀಲ್ದಾರ್​ ಮಾತ್ರ ಆ ಸಂಪ್ರದಾಯ ಮುರಿದು ದಿಟ್ಟ ಹೆಜ್ಜೆ ಇರಿಸಿದ್ದಾರೆ.

ಕೋಲಾರ:ಲಾಕ್‌ಡೌನ್ ನಡುವೆಯೂಮಸೀದಿಯೊಳಗೆನಮಾಜ್ ಮಾಡುತ್ತಿದ್ದವರನ್ನಮಹಿಳಾ ತಹಶೀಲ್ದಾರ್‌ ವಶಕ್ಕೆ ಪಡೆದ ಘಟನೆ ನಡೆದಿದೆ. ಕೋಲಾರ ನಗರ ತಹಶೀಲ್ದಾರ್ ಶೋಭಿತಾ ಮಸೀದಿಯೊಳಗಿದ್ದವರ ಚಳಿ ಬಿಡಿಸಿದ್ದಾರೆ.

ಲಾಕ್‌ಡೌನ್ ಹಿನ್ನೆಲೆ ಕೋಲಾರ ಜಿಲ್ಲೆಯಾದ್ಯಂತ ದೇವಸ್ಥಾನ,ಚರ್ಚ್​, ಮಸೀದಿಗಳಿಗೆ ಜಿಲ್ಲಾಡಳಿತದ ವತಿಯಿಂದ ನಿರ್ಬಂಧವಿದೆ. ಆದರೂ ಜಿಲ್ಲಾಡಳಿತ ಕಣ್ತಪ್ಪಿಸಿ ನಿನ್ನೆ ಸಂಜೆ ಕೋಲಾರ ನಗರದ ಮುನಿಸಿಪಲ್ ಆಸ್ಪತ್ರೆಯ ಮುಂಭಾಗ ಇರುವ ಮಸೀದಿಯೊಳಗೆ ನಮಾಜ್ ಮಾಡಲಾಗುತ್ತಿತ್ತು.

ಈ ಮಧ್ಯೆ ಮಸೀದಿಗೆ ದಾಳಿ ನಡೆಸಿದ ತಹಶೀಲ್ದಾರ್​ ಶೋಭಿತ ಅವರು, ನಮಾಜ್​ ಮಾಡುತ್ತಿದ್ದ ಸುಮಾರು 11 ಜನರನ್ನ ವಶಕ್ಕೆ ಪಡೆದು ಅವರಿಗೆ ಖಡಕ್ ಎಚ್ಚರಿಕೆ ನೀಡಿದ್ದಾರೆ. ಇದೀಗ ಶೋಭಿತ ಅವರು ದಾಳಿ ನಡೆಸಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ.