ಕೋಲಾರ:ಮಾಜಿ ಮುಖ್ಯಮಂತ್ರಿ ದಿವಂಗತ ಎಸ್.ಬಂಗಾರಪ್ಪ ಅವರ ಅಧಿಕಾರವಧಿಯ ಚುನಾವಣೆಗಳಲ್ಲಿ ಆ್ಯಂಬುಲೆನ್ಸ್ ಹಾಗೂ ಪೊಲೀಸ್ ವಾಹನಗಳಲ್ಲಿ ದುಡ್ಡು ತರಲಾಗುತ್ತಿತ್ತು ಎಂದು ಮಗ ಮಧು ಬಂಗಾರಪ್ಪ ಅವರೇ ಕೋಲಾರದಲ್ಲಿ ಹೇಳಿಕೆ ನೀಡಿದ್ದಾರೆ.
ಇಂದು ಕೋಲಾರಕ್ಕೆ ಖಾಸಗೀ ಕಾರ್ಯಕ್ರಮಕ್ಕೆ ಭೇಟಿ ನೀಡಿದ್ದ ವೇಳೆ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಅಧಿಕಾರ ಎನ್ನುವುದು ಇದ್ದಾಗ ಏನು ಬೇಕಾದರೂ ಮಾಡಬಹುದು. ಬಿಜೆಪಿ ಸರ್ಕಾರದಲ್ಲೂ ಅದೇ ರೀತಿ ಹಣ ಚೆನ್ನಾಗಿ ವರ್ಕ್ಔಟ್ ಆಗಿದೆ. ಈ ಮೂಲಕ ಚುನಾವಣೆಯಲ್ಲಿ ಬಿಜೆಪಿ ಗೆಲ್ಲಲು ಕಾರಣವಾಗಿದೆ ಎಂದರು. ಇನ್ನು ನಮ್ಮ ತಂದೆಯವರ ಕಾಲದಲ್ಲಿನ ಚುನಾವಣೆಗಳಿಗೂ ಆ್ಯಂಬುಲೆನ್ಸ್ ಹಾಗೂ ಪೊಲೀಸ್ ಕಾರುಗಳಲ್ಲಿ ದುಡ್ಡು ತರುತ್ತಿದ್ದರು. ಅದೇ ಪದ್ದತಿ ರಾಜ್ಯದಲ್ಲೂ ಇದೆ ದೇಶದಲ್ಲೂ ಇದೆ. ಇದು ಒಳ್ಳೆಯ ಸಂಪ್ರದಾಯವಲ್ಲ ಎಂದೂ ಇದೇ ವೇಳೆ ಮಧು ಬಂಗಾರಪ್ಪ ಹೇಳಿದ್ರು. ಇನ್ನು ಈ ಕುರಿತು ನಾನು ವಿಶ್ಲೇಷಣೆ ಮಾಡಲು ಆಗುವುದಿಲ್ಲ, ಜನರು ತೀರ್ಮಾನ ತೆಗೆದುಕೊಳ್ಳಬೇಕು ಎಂದರು.