ಕೋಲಾರದಲ್ಲಿ ಕೊರೊನಾ ಭಯ ಹೆಚ್ಚಿಸಿದ ವಿಕೋಟೆ ಪಾಸಿಟಿವ್​ ಪ್ರಕರಣ ಟ್ರಾವೆಲ್​ ಹಿಸ್ಟರಿ!!

ವಿಕೋಟೆಯಲ್ಲಿ ಕೊರೊನಾ ಪಾಸಿಟಿವ್​ ಬಂದಿದ್ದ 5 ಮಂದಿಯ ಟ್ರಾವೆಲ್​ ಹಿಸ್ಟರಿ ಬೆನ್ನತ್ತಿ ಹೊರಟ ಜಿಲ್ಲಾಢಳಿತಕ್ಕೆ, ತರಕಾರಿ ವರ್ತಕನೋರ್ವ ಎಪಿಎಂಸಿಗೆ ಬಂದು ತರಕಾರಿ ಖರೀದಿಸಿ ಚೆನೈಗೆ ಪ್ರಯಾಣ ಬೆಳೆಸಿರುವುದಾಗಿ ತಿಳಿದು ಬಂದಿದೆ. ಇದರಿಂದ ಎಚ್ಚೆತ್ತ ಜಿಲ್ಲಾಢಳಿತ ಪ್ರಾಥಮಿಕ ಸಂಪರ್ಕ ಹೊಂದಿದ್ದ 24 ಮಂದಿಯನ್ನು ಕ್ವಾರೆಂಟೈನ್​ಗೆ ಒಳಪಡಿಸಲಾಗಿದೆ.

ಕೋಲಾರ :ಆಂಧ್ರದ ವಿಕೋಟೆಯಿಂದ ಜಿಲ್ಲೆಯ ಎಪಿಎಂಸಿ ಮಾರುಕಟ್ಟೆಗೆ ಆಗಮಿಸಿದ್ದ ವ್ಯಕ್ತಿಯ ಜೊತೆ ಸಂಪರ್ಕ ಹೊಂದಿದ್ದ ಜಿಲ್ಲೆಯ 24 ಮಂದಿಯನ್ನು ಹೋಂ ಕ್ವಾರಂಟೈನ್​ ಮಾಡಲಾಗಿದೆ.

ವಿಕೋಟೆಯಲ್ಲಿ ಕೊರೊನಾ ಪಾಸಿಟಿವ್​ ಬಂದಿದ್ದ 5 ಮಂದಿಯ ಟ್ರಾವೆಲ್​ ಹಿಸ್ಟರಿ ಬೆನ್ನತ್ತಿ ಹೊರಟ ಜಿಲ್ಲಾಡಳಿತಕ್ಕೆ, ತರಕಾರಿ ವರ್ತಕನೋರ್ವ ಎಪಿಎಂಸಿಗೆ ಬಂದು ತರಕಾರಿ ಖರೀದಿಸಿ ಚೆನ್ನೈಗೆ ಪ್ರಯಾಣ ಬೆಳೆಸಿರುವುದಾಗಿ ತಿಳಿದು ಬಂದಿದೆ. ಇದರಿಂದ ಎಚ್ಚೆತ್ತ ಜಿಲ್ಲಾಡಳಿತ ವರ್ತಕನ ಜೊತೆ ಪ್ರಾಥಮಿಕ ಸಂಪರ್ಕ ಹೊಂದಿದ್ದ 24 ಮಂದಿಯನ್ನು ಹೋಮ್​ ಕ್ವಾರೆಂಟೈನ್​ಗೆ ಒಳಪಡಿಸಿದೆ. ಇದರ ಜೊತೆಗೆ ಇನ್ನೋರ್ವ ವ್ಯಕ್ತಿ ಕೂಡ ಕೆಜಿಎಫ್​ನ ಬೇತಮಂಗಲ ಹಾಗೂ ಸುಂದರಪಾಳ್ಯದಲ್ಲಿ ಓಡಾಟ ನಡೆಸಿರುವುದಾಗಿ ಮಾಹಿತಿ ದೊರೆತಿದೆ.

ಇದೀಗ 24 ಮಂದಿಯ ರಕ್ತ ಹಾಗೂ ಗಂಟಲು ದ್ರವದ ಮಾದರಿಯನ್ನು ಸಂಗ್ರಹಿಸಿ ಪರೀಕ್ಷೆಗೆ ಕಳುಹಿಸಿ ಕೊಡಲಾಗಿದೆ. ಈ ಮೂಲಕ ಜಿಲ್ಲೆಗೆ ಕೊರೊನಾ ಭಯ ಹೆಚ್ಚಾಗಿದ್ದು ಜಿಲ್ಲೆಯಾದ್ಯಂತ ಜನರು ಆತಂಕಕ್ಕೊಳಗಾಗಿದ್ದಾರೆ.