ಪ್ರವಾಹದ ವೇಳೆ ಗುಡ್ಡ ಕುಸಿತ: 14 ದಿನಗಳ ಬಳಿಕ ಪತ್ತೆಯಾಯ್ತು ಮಹಿಳೆಯ ಶವ

ಭಾರಿ ಮಳೆಗೆ ಉಂಟಾದ ಗುಡ್ಡ ಕುಸಿತ ಪ್ರಕರಣದಲ್ಲಿ ನಾಪತ್ತೆಯಾಗಿದ್ದ 8 ಜನರ ಪೈಕಿ 4 ಜನರ ಶವ ಹೊರತೆಗೆಯಲಾಗಿದೆ. ಮಣ್ಣಿನಡಿ ಸಿಲುಕಿದ್ದ ಮಹಿಳೆಯೊಬ್ಬಳ ಶವ ಇದೀಗ ಪತ್ತೆಯಾಗಿದೆ.

ಕೊಡಗು:ಜಿಲ್ಲೆಯ ತೋರದಲ್ಲಿ ಎಂಬಲ್ಲಿ ಗುಡ್ಡ ಕುಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಣ್ಣಿನಡಿ ಸಿಲುಕಿದ್ದ ಮಹಿಳೆಯ ಶವ ಪತ್ತೆಯಾಗಿದೆ.

ಮಹಿಳೆ ಲೀಲಾ ಶವ ಇದಾಗಿದ್ದು, ಲೀಲಾಳ ಪತಿ ಅಪ್ಪು ತಮ್ಮ ಪತ್ನಿಯ ಶವ ಎಂದು ಗುರುತಿಸಿದ್ದಾರೆ. ಪತ್ನಿಯನ್ನು ಕಳೆದುಕೊಂಡಿದ್ದ ಪತಿ ಅಪ್ಪು​ ಕಳೆದ 14 ದಿನಗಳಿಂದ ಇದೇ ಗುಡ್ಡದಲ್ಲಿ ಹುಡುಕಾಟ ನಡೆಸುತ್ತಿದ್ದರು. ಜಿಲ್ಲೆಯಲ್ಲಿ ಪ್ರವಾಹಕ್ಕೆ ಇದುವರೆಗೂ 12 ಮಂದಿ ಬಲಿಯಾಗಿದ್ದಾರೆ.

ವಿರಾಜಪೇಟೆ ತಾಲೂಕಿನ ತೋರದಲ್ಲಿಯಲ್ಲಿ ಭಾರೀ ಮಳೆಗೆ ಗುಡ್ಡ ಕುಸಿದಿತ್ತು, ಈ ವೇಳೆ 8 ಜನರು ನಾಪತ್ತೆಯಾಗಿದ್ದರು. ಇದುವರೆಗೆ 4 ಶವ ಹೊರತೆಗೆಯಲಾಗಿದ್ದು, ಕಾರ್ಯಾಚರಣೆ ಮುಂದುವರೆದಿದೆ. ಎನ್‌ಡಿಆರ್‌ಎಫ್ ಹಾಗೂ ಅಗ್ನಿಶಾಮಕ ತಂಡ ಶೋಧ ಕಾರ್ಯ ಮುಂದುವರೆಸಿದೆ.