ಲಾಕ್​ಡೌನ್​​ ಸಡಿಲ: ಮಕ್ಕಳ ಸಹಿತ ಬೀದಿಗಿಳಿದ ಜನರು!

ಕೊಡಗು ಜಿಲ್ಲೆಯನ್ನು ಹಸಿರು ವಲಯಕ್ಕೆ ಸೇರಿಸಿದ್ದರಿಂದ ಲಾಕ್​ಡೌನ್​​ ಸಡಿಲ ಮಾಡಲಾಗಿದೆ. ಹೀಗಾಗಿ ಜನರು ತಮ್ಮ ಸ್ವಂತ ವಾಹನಗಳಲ್ಲೇ ಬೀದಿಗೆ ಇಳಿದು, ಬೇಕಾಬಿಟ್ಟಿ ಓಡಾಡುತ್ತಿದ್ದಾರೆ.

ಕೊಡಗು:ಜಿಲ್ಲೆಯನ್ನು ಹಸಿರು ವಲಯಕ್ಕೆ ಸೇರಿಸಿದ ಹಿನ್ನೆಲೆ ನಿರ್ಬಂಧ ಹೇರಿ ಲಾಕ್​ಡೌನ್​​ ಸಡಿಲ ಮಾಡಲಾಗಿದೆ. ಹೀಗೆ ಸಡಿಲ ಮಾಡಿದ್ದೇ ತಡ, ಜನರು ತಮ್ಮ ಮಕ್ಕಳ ತಮೇತ ಟೌನ್​ಗೆ ಲಗ್ಗೆ ಇಟ್ಟಿದ್ದಾರೆ.

ಕೊಡಗು ಜಿಲ್ಲೆಯಲ್ಲಿ ಸಾರ್ವಜನಿಕ ಸಾರಿಗೆಗಳಾದ ಆಟೋ, ಖಾಸಗಿ ಬಸ್ ಮತ್ತು ಕೆಎಸ್‍ಆರ್​​ಟಿಸಿ ಬಸ್​​ಗಳ ಓಡಾಟವನ್ನು ನಿಷೇಧಿಸಲಾಗಿದೆ. ಆದ್ರೂ ಜಿಲ್ಲೆಯಲ್ಲಿ ಲೆಕ್ಕವಿಲ್ಲದಷ್ಟು ಜನರು ತಮ್ಮ ಸ್ವಂತ ವಾಹನಗಳಲ್ಲೇ ಬೀದಿಗೆ ಇಳಿದ್ದಾರೆ. ಇದರಿಂದಾಗಿ ಮಡಿಕೇರಿಯ ಹಲವೆಡೆ ಟ್ರಾಫಿಕ್ ಜಾಮ್ ಆಯಿತು.

ಆ್ಯಂಬುಲೆನ್ಸ್​​ಗೂ ಜಾಗ ಬಿಡದಂತೆ ಟ್ರಾಫಿಕ್ ಆಗಿತ್ತು. ಈ ಹಿಂದೆ ವಾರದಲ್ಲಿ ಮೂರು ದಿನ ಮಾತ್ರವೇ ಬೆಳಗ್ಗೆ 6 ಗಂಟೆಯಿಂದ 12 ಗಂಟೆಯವರೆಗೆ ಮಾತ್ರ ಅವಕಾಶ ನೀಡಲಾಗಿತ್ತು. ಆಗ ಜನರು ಅಗತ್ಯ ವಸ್ತುಗಳನ್ನು ಕೊಂಡು ಮನೆ ಸೇರಿಕೊಳ್ಳುತ್ತಿದ್ದರು. ಆದ್ರೆ ಈಗ ಬೆಳಗ್ಗೆ 6ರಿಂದ ಸಂಜೆ 4 ಗಂಟೆವರೆಗೆ ಎಲ್ಲಾ ವ್ಯಾಪಾರ ವಹಿವಾಟಿಗೆ ಅವಕಾಶ ನೀಡಿರುವುದರಿಂದ ಜನರು ಓಡಾಡಿಕೊಂಡಿದ್ದಾರೆ. ಇಷ್ಟೊಂದು ಫ್ರೀ ಬೇಕಾಗಿರಲ್ಲಿಲ್ಲ ಅನ್ನೋದು ಸಾಕಷ್ಟು ಜನರ ಅಭಿಪ್ರಾಯ.