ಕೊಡಗು: ರಾಜ್ಯದಲ್ಲಿ ಮತ್ತೆ ಲಾಕ್‌ಡೌನ್ ವಿಷಯ ಮುನ್ನೆಲೆಗೆ ಬಂದಿರುವುದರಿಂದ ಜಿಲ್ಲೆಯ ಮಡಿಕೇರಿಯಲ್ಲಿ ಮದ್ಯ ಪ್ರಿಯರು ತಮ್ಮ ಇಷ್ಟದ ಬ್ರಾಂಡ್‌ಗಳನ್ನು ಖರೀದಿಸುತ್ತಿದ್ದಾರೆ.
ಲಾಕ್‌ಡೌನ್ ಆತಂಕ: ಮದ್ಯ ಸಂಗ್ರಹಿಸಲು ಮುಂದಾದ ಪಾನ ಪ್ರಿಯರು..!
ಒಂದು ವೇಳೆ ರಾಜ್ಯ ಅಥವಾ ಆಯ್ದ ಜಿಲ್ಲೆಗಳಲ್ಲಿ ಲಾಕ್‌ಡೌನ್ ಘೋಷಿಸಿದರೆ ಮುಂದೇನು ಎಂಬ ಆತಂಕದಿಂದ ಒಂದು ವಾರಕ್ಕೆ ಆಗುವಷ್ಟು ತಮ್ಮಿಷ್ಟದ ಬ್ರಾಂಡ್‌ಗಳನ್ನು ಕೆಲವರು ಖರೀದಿಸುತ್ತಿದ್ದಾರೆ. ಈ ಕುರಿತು ಪ್ರತಿಕ್ರಿಯಿಸಿರುವ ಬಾರ್ ಸಿಬ್ಬಂದಿ, ವಾರದಿಂದ ಅಷ್ಟೇನು ವ್ಯಾಪಾರ ಇರಲಿಲ್ಲ. ಬೆಂಗಳೂರಿನಲ್ಲಿ ಸಿಎಂ ತೆಗೆದುಕೊಂಡ ನಿರ್ಧಾರದ ಬಳಿಕ ವ್ಯಾಪಾರ ಬಿರುಸಾಗಿದೆ. ಒಂದು ಲಕ್ಷ ವ್ಯಾಪಾರಕ್ಕೆ ಸಂಜೆಯವರೆಗೂ ಕಾಯುತ್ತಿದ್ದೆವು. ಆದರೆ, ಇವತ್ತು ಮಧ್ಯಾಹ್ನದ ವೇಳೆಗಾಗಲೇ ಲಕ್ಷ ವ್ಯಾಪಾರವಾಗಿದೆ ಎಂದರು.