ಕೊಡಗು : ಜಿಲ್ಲೆಯ ಕುಶಾಲನಗರ ಸಮೀಪದ ಬೈಲುಕುಪ್ಪೆಯಲ್ಲಿರುವ ಟಿಬೆಟಿಯನ್ ಕ್ಯಾಂಪಿನ ಧರ್ಮಶಾಲಾ ಕೋವಿಡ್ ಕಾರಣದಿಂದಾಗಿ ಬಂದ್ ಆಗಿತ್ತು. ಅಂದು ಬಂದ್ ಆಗಿದ್ದ ಧರ್ಮಶಾಲಾ ಮೊನಾಸರಿ ಎರಡು ವರ್ಷಗಳ ಬಳಿಕ ಇದೀಗ ಮತ್ತೆ ಪ್ರವಾಸಿಗರಿಗೆ ಮುಕ್ತವಾಗಿದೆ. ಈ ಹಿಂದೆ ಕೋವಿಡ್ ಕಾರಣದಿಂದ ಆತಂಕಗೊಂಡ ಟಿಬೆಟಿಯನ್ ಧರ್ಮ ಗುರುಗಳು ಧರ್ಮಶಾಲಾ ಮೊನಾಸರಿಯನ್ನು ಸಂಪೂರ್ಣ ಬಂದ್ ಮಾಡಿದ್ದರು.
ಮೊನಾಸರಿಯಲ್ಲಿ ಸುಮಾರು 10 ಸಾವಿರಕ್ಕೂ ಹೆಚ್ಚು ವಿದ್ಯಾರ್ಥಿಗಳು, ಶಿಕ್ಷಕರು ಕಲಿಯುತ್ತಿದ್ದರಿಂದ, ಪ್ರವಾಸಿಗರಿಗೆ ಮೊನಾಸರಿ ಬರಲು ಅವಕಾಶ ನೀಡಿದರೆ ಕೋವಿಡ್ ಹರಡುವ ಸಾಧ್ಯತೆಗಳು ಹೆಚ್ಚಿರುತ್ತದೆ ಎಂದು ಭಾವಿಸಲಾಗಿತ್ತು. ಒಂದು ವೇಳೆ ಕೋವಿಡ್ ಸೋಂಕು ಧರ್ಮಶಾಲೆಯ ವಿದ್ಯಾರ್ಥಿಗಳಿಗೆ, ಶಿಕ್ಷಕರಿಗೆ ಹರಡಿದಲ್ಲಿ ಅಪಾಯ ಉಂಟಾಗಬಹುದೆಂಬ ಆತಂಕದಿಂದ ಮೊನಾಸರಿಗೆ ಸಾರ್ವಜನಿಕರ ಭೇಟಿಯನ್ನು ಎರಡು ವರ್ಷಗಳಿಂದ ನಿಷೇಧಿಸಲಾಗಿತ್ತು.
ಬಂದ್ ಆಗಿದ್ದ ಧರ್ಮಶಾಲಾ ಮೊನಾಸರಿ ಎರಡು ವರ್ಷಗಳ ಬಳಿಕ ಇದೀಗ ಮತ್ತೆ ಪ್ರವಾಸಿಗರಿಗೆ ತೆರೆಯಲಾಗಿದೆ.