ಮೊಟ್ಟೆ ಎಸೆದಿದ್ದು ಆರ್​ಎಸ್​ಎಸ್​ ಕಾರ್ಯಕರ್ತನೇ?: ಕೊಡಗು ಬಿಜೆಪಿ ಜಿಲ್ಲಾಧ್ಯಕ್ಷರ ಪ್ರತಿಕ್ರಿಯೆ ಹೀಗಿದೆ..

ಆರ್​ಎಸ್ಎಸ್ ಕಾರ್ಯಕರ್ತನಾದವನು ಬಿಜೆಪಿಯಲ್ಲೇ ಇರಬೇಕು ಎಂದೇನಿಲ್ಲ. ಯಾವ ಪಕ್ಷದಲ್ಲಾದರೂ ಇರಬಹುದು ಎಂದು ಕೊಡಗು ಬಿಜೆಪಿ ಜಿಲ್ಲಾಧ್ಯಕ್ಷ ರಾಬಿನ್ ದೇವಯ್ಯ ಹೇಳಿದರು.

ಕೊಡಗು:ಪ್ರತಿಪಕ್ಷದ ನಾಯಕ ಸಿದ್ದರಾಮಯ್ಯನವರ ಕಾರಿನ ಮೇಲೆ ಮೊಟ್ಟೆ ಎಸೆದ ಆರೋಪಿ ಸಂಪತ್​ ಆರ್​ಎಸ್​ಎಸ್​ ಕಾರ್ಯಕರ್ತ ಎಂದು ಬಿಜೆಪಿ ಜಿಲ್ಲಾಧ್ಯಕ್ಷ ರಾಬಿನ್ ದೇವಯ್ಯ ಪರೋಕ್ಷವಾಗಿ ಒಪ್ಪಿಕೊಂಡಿದ್ದಾರೆ.

ಮಡಿಕೇರಿಯಲ್ಲಿ ಇಂದು ನಡೆದ ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡಿದ ಅವರು ಸಂಪತ್​ ಕುರಿತಾಗಿ ಪ್ರತಿಕ್ರಿಯಿಸಿ, ಆತ ಆರ್​ಎಸ್ಎಸ್ ಕಾರ್ಯಕರ್ತನೂ ಆಗಿರಬಹುದು. ಸಂಘದ ಕಾರ್ಯಕರ್ತನಾಗಿದ್ದು ಗಣವೇಶ ಧರಿಸಿ ಬೈಟಕ್​ನಲ್ಲೂ ಭಾಗವಹಿಸಿರಬಹುದು. ಹಾಗಂತ ಆತ ಬಿಜೆಪಿ ಕಾರ್ಯಕರ್ತನಲ್ಲ ಎಂದು ಹೇಳಿದರು.

ಇದನ್ನೂ ಓದಿ:ಶಾಸಕ ಅಪ್ಪಚ್ಚು ರಂಜನ್ ವಿರುದ್ಧ ಜೀವಿಜಯ ಮತ್ತೊಂದು ಬಾಂಬ್

ಅಲ್ಲದೇ, ಆರ್​ಎಸ್ಎಸ್ ಕಾರ್ಯಕರ್ತನಾದವನು ಬಿಜೆಪಿಯಲ್ಲೇ ಇರಬೇಕು ಎಂದೇನಿಲ್ಲ. ಯಾವ ಪಕ್ಷದಲ್ಲಾದರೂ ಇರಬಹುದು. ಪಿ.ಜಿ.ಆರ್.ಸಿಂಧ್ಯಾ, ಉಗ್ರಪ್ಪ ಎಲ್ಲರೂ ಆರ್​ಎಸ್ಎಸ್​ನಲ್ಲಿದ್ದವರೇ ಆಗಿದ್ದಾರೆ ಎಂದು ತಿಳಿಸಿದರು.

ಇದನ್ನೂ ಓದಿ:ಕೊಡಗಿನ ಕಾಳಗಕ್ಕೆ ನಿಷೇಧಾಜ್ಞೆ ಬ್ರೇಕ್​: ಆ.26ರ ಕಾಂಗ್ರೆಸ್​ ಪ್ರತಿಭಟನೆ, ಬಿಜೆಪಿ ಸಮಾವೇಶ​ ಮುಂದಕ್ಕೆ