ಕೊಡಗಿನಲ್ಲಿ ಭೂ ಕುಸಿತ, ಪ್ರವಾಹ: ಮತ್ತೊಂದು ಮೃತದೇಹ ಪತ್ತೆ

ಮಡಿಕೇರಿ ತಾಲೂಕಿನ ಕಟ್ಟೆಮಾಡು ಪರಂಬು ಗ್ರಾಮದಲ್ಲಿ ಮುಳುಗಡೆ ಆಗಿದ್ದ ಮನೆಯ ಒಳಗೆ ಮೃತದೇಹ ಪತ್ತೆಯಾಗಿದೆ.

ಕೊಡಗು: ಜಿಲ್ಲೆಯ ಪ್ರವಾಹ, ಭೂ ಕುಸಿತಕ್ಕೆ ಸಿಲುಕಿ ಮೃತಪಟ್ಟವರ ಸಂಖ್ಯೆ 9ಕ್ಕೆ ಏರಿಕೆ ಆಗಿದೆ.

ಮಡಿಕೇರಿ ತಾಲೂಕಿನ ಕಟ್ಟೆಮಾಡು ಪರಂಬು ಗ್ರಾಮದಲ್ಲಿ ವ್ಯಕ್ತಿಯ ಮೃತದೇಹ ಪತ್ತೆಯಾಗಿದ್ದು, ಕಟ್ಟೆಮಾಡುವಿನ ಪರಂಬು ಗ್ರಾಮದ ಕುಂಞಣ್ಣ(68) ಮೃತಪಟ್ಟವರು ಎಂದು ಗುರುತಿಸಲಾಗಿದೆ.‌ ಮುಳುಗಡೆ ಆಗಿದ್ದ ಮನೆ ಒಳಗೆ ಮೃತದೇಹ ಪತ್ತೆಯಾಗಿದೆ. ಘಟನಾ ಸ್ಥಳಕ್ಕೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ‌.

ಈಗಾಗಲೇ ಕೊಡಗಿನ ಕೋರಂಗಾಲದಲ್ಲಿ 5, ತೋರದಲ್ಲಿ 3, ಕಟ್ಟೆಮಾಡು ಪರಂಬು ಒಬ್ಬರು ಬಲಿಯಾಗಿರುವ ಬಗ್ಗೆ ವರದಿಯಾಗಿದ್ದು, ವಿರಾಜಪೇಟೆ ತಾಲೂಕಿನ ತೋರಾ ಗ್ರಾಮದಲ್ಲಿ ‌ಕಣ್ಮರೆ ಆಗಿರುವ 7 ಮಂದಿಗಾಗಿ ತೀವ್ರ ಹುಡುಕಾಟ ಮುಂದುವರೆದಿದೆ.