ಕೊಡಗು :ಎಡಕಲ್ಲು ಗುಡ್ಡದ ಮೇಲೆ ಸಿನಿಮಾ ಯಾರಿಗೆ ತಾನೇ ಗೊತ್ತಿಲ್ಲ ಹೇಳಿ.. 40 ವರ್ಷಗಳ ಹಿಂದೆ ತೆರೆಕಂಡ ಈ ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಈ ಸಿನಿಮಾ ಚಿತ್ರೀಕರಿಸಲಾದ ಆ ‘ಎಡಕಲ್ಲು ಗುಡ್ಡ’ ಈಗ ಚಾರಣಕ್ಕೆ ಫೇಮಸ್ ಆಗಿದೆ.
ಕೊಡಗು-ಹಾಸನ ಗಡಿಯಲ್ಲಿರೋ ‘ಗವಿಸಿದ್ದೇಶ್ವರ’ ಬೆಟ್ಟವನ್ನು ಎಡಕಲ್ಲು ಗುಡ್ಡ ಅಂತಾನೂ ಕರೆಯಲಾಗುತ್ತೆ. ಸೋಮವಾರಪೇಟೆ ತಾಲೂಕಿನ ಶನಿವಾರ ಸಂತೆಯಿಂದ ಸುಬ್ರಹ್ಮಣ್ಯ ರಸ್ತೆಯಲ್ಲಿ 8 ಕಿ.ಮೀ. ದೂರ ಸಾಗಿದರೆ ಉಚ್ಚಂಗಿ ಗ್ರಾಮ ಸಿಗಲಿದೆ. ಇಲ್ಲಿಂದ ಕಚ್ಚಾ ರಸ್ತೆಯಲ್ಲಿ ಸುಮಾರು 4 ಕಿ.ಮೀ ದೂರ ನಡೆದು ಸಾಗಿದರೆ ಎಡಕಲ್ಲು ಗುಡ್ಡ ಎದುರಾಗುತ್ತದೆ.
ಒಂದು ದಿನದ ಚಾರಣಕ್ಕೆ ಹೇಳಿ ಮಾಡಿಸಿದ ಜಾಗ ಎಡಕಲ್ಲು ಗುಡ್ಡ..