ನೀನು ಸಸ್ಪೆಂಡ್ ಆಗ್ಬೇಕಾ?ಟ್ರಾನ್ಸ್‌ಫರ್ ಆಗ್ಬೇಕಾ?ತಹಶೀಲ್ದಾರ್​ ವಿರುದ್ಧ ಸಚಿವ ಆರ್​ವಿಡಿ ಗರಂ

ನೀನು ಸಸ್ಪೆಂಡ್ ಆಗಬೇಕಾ ಇಲ್ಲ, ಟ್ರಾನ್ಸ್ ಸ್ಪರ್ ಆಗ್ಬೇಕಾ ಹೇಳು ಎಂದು ಕಂದಾಯ ಸಚಿವ ಆರ್. ವಿ.ದೇಶಪಾಂಡೆ ವಿರಾಜಪೇಟೆ ತಹಶೀಲ್ದಾರ್​ ಗೋವಿಂದರಾಜು ಅವರನ್ನು ತೀವ್ರ ತರಾಟೆಗೆ ತೆಗೆದುಕೊಂಡ ಘಟನೆ ನಡೆದಿದೆ.

ಕೊಡಗು: ನೀನು ಸಸ್ಪೆಂಡ್ ಆಗಬೇಕಾ ಇಲ್ಲ, ಟ್ರಾನ್ಸ್‌ಫರ್‌ ಆಗ್ಬೇಕಾ ಹೇಳು? ಎಂದು ಕಂದಾಯ ಸಚಿವ ಆರ್. ವಿ.ದೇಶಪಾಂಡೆ ವಿರಾಜಪೇಟೆ ತಹಶೀಲ್ದಾರ್​ ಗೋವಿಂದರಾಜು ಅವರನ್ನು ತರಾಟೆ ತೆಗೆದುಕೊಂಡರು.

ಜಿಲ್ಲಾಡಳಿತದ ವತಿಯಿಂದ ನಗರದ ಕೋಟೆ ಹಳೆ ವಿಧಾನಸಭಾ ಸಭಾಂಗಣದಲ್ಲಿ ಹಮ್ಮಿಕೊಂಡಿದ್ದ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಈ ಘಟನೆ ನಡೆಯಿತು.

ಜನಪ್ರತಿನಿಧಿಗಳ ಮಾತಿಗೆ ಮನ್ನಣೆ ನೀಡುವುದಿಲ್ಲ ಹಾಗೂ ಸಭೆಗಳಿಗೆ ಹಾಜರಾಗುತ್ತಿಲ್ಲವೆಂದು ಹೇಳಿದ ಕಂದಾಯ ಸಚಿವ ಆರ್ ವಿ ದೇಶಪಾಂಡೆ, ತಹಶೀಲ್ದಾರ್ ಗೋವಿಂದರಾಜು ಅವರ ​ವಿರುದ್ಧ ಫುಲ್​ ಗರಂ ಆದರು.

ಈಗಾಗಲೇ ನಿನ್ನ ಬಗ್ಗೆ ಸ್ಥಳೀಯರು ಕೂಡ ಕಂಪ್ಲೇಟ್ ಕೊಟ್ಟಿದ್ದಾರೆ. ನೀನು ಸರಿಯಾಗಿ ಕೆಲಸ ಮಾಡಬೇಕು. ನಾನು ಎಷ್ಟು ಒಳ್ಳೆ ಮನುಷ್ಯನೋ ಅಷ್ಟೇ ಕೆಟ್ಟವನು ಎಂದು ಎಚ್ಚರಿಕೆ ನೀಡಿದರು.‌