ಕೊಡಗು:ವಿಭಿನ್ನ ಸಂಸ್ಕೃತಿ ಹಾಗೂ ಆಚರಣೆಗಳ ಕೊಡಗಿನ ಜನ ದಸರಾ ಸಂಭ್ರಮದಲ್ಲಿದ್ದಾರೆ. ಹಬ್ಬ ಯಾವುದೇ ಇರಲಿ, ಇಲ್ಲಿ ಕೋವಿಗಳು ಹೊರ ಬರುವುದು ಸಾಮಾನ್ಯ. ಮಡಿಕೇರಿಯಲ್ಲಿ ದಸರಾ ಪ್ರಯುಕ್ತ ಕೊಡಗಿನ ಸಾಂಪ್ರದಾಯಿಕ ಆಚರಣೆ ತೆಂಗಿನಕಾಯಿಗೆ ಗುಂಡು ಹೊಡೆಯುವ ಸ್ಪರ್ಧೆ ವಿಶೇಷವಾಗಿ ಗಮನ ಸೆಳೆಯಿತು.
ಗುಂಡು ಹಾರಿಸಿ ದಸರಾಗೆ ಚಾಲನೆ ನೀಡಿದ ಕೊಡಗಿನ ಸ್ಥಳೀಯರು ಮಡಿಕೇರಿಯ ಪೊಲೀಸ್ ಫೈರ್ ರೇಂಜ್‌ನಲ್ಲಿ ನಡೆದ ಸ್ಪರ್ಧೆಯನ್ನು ತೆಂಗಿನಕಾಯಿಗೆ ಗುಂಡು ಹೊಡೆಯುವ ಮೂಲಕ ಕೊಡಗು ಜಿಲ್ಲಾಧಿಕಾರಿ ಸುಮನ್ ಡಿ ಪನ್ನೇಕರ್ ಉದ್ಘಾಟಿಸಿದರು. 22 ಬಂದೂಕು ಮೂಲಕ 100 ಯಾರ್ಡ್ ದೂರದಲ್ಲಿ ಇಟ್ಟ ತೆಂಗಿನಕಾಯಿಗೆ ಗುರಿ ಇಟ್ಟು ಕಾಯಿಯಿಂದ ನೀರು ಚಿಮ್ಮಿಸಲು ಸ್ಪರ್ಧಿಗಳು ನಾ ಮುಂದು ತಾ ಮುಂದು ಎಂಬಂತೆ ಪಾಲ್ಗೊಂಡಿದ್ದರು. ಮಹಿಳೆಯರೂ ಕೂಡಾ ತಾವೂ ಯಾರಿಗೂ ಕಡಿಮೆ ಇಲ್ಲವೆಂಬಂತೆ ಬಂದೂಕು ಹಿಡಿದು ತಮ್ಮ ಪ್ರತಿಭೆ ಪ್ರದರ್ಶಿಸಿದ್ರು.
