ಕೊಡಗು: ಪ್ರಾಕೃತಿಕ ಸೌಂದರ್ಯದ ಖನಿ ಕೊಡಗು ಕ್ರೀಡೆಗೆ ಹೆಸರಾದ ಜಿಲ್ಲೆ. ಸ್ಥಳೀಯ ಹಂತದಿಂದ ಅಂತಾರಾಷ್ಟ್ರೀಯ ಮಟ್ಟದವರೆಗೆ ಕ್ರೀಡಾಪಟುಗಳನ್ನು ಕಾಣಿಕೆ ನೀಡಿದೆ. ಕ್ರೀಡೆ ಹಾಗೂ ವೈಯಕ್ತಿಕ ಆರೋಗ್ಯವನ್ನು ಜೀವನ ವಿಧಾನವನ್ನಾಗಿ ಮೈಗೂಡಿಸಿಕೊಂಡಿರುವ ಇವರಿಗೆ ಲಾಕ್ಡೌನ್ ಎಫೆಕ್ಟ್ ತಟ್ಟಿದೆ.
ಕೊರೊನಾ ಎಫೆಕ್ಟ್: ಕ್ರೀಡಾಪಟುಗಳಿಗೆ ಕಾಡಿದ ಫಿಟ್ನೆಸ್ ಸಮಸ್ಯೆ
ಲಾಕ್ಡೌನ್ ಘೋಷಿಸಿದರ ಪರಿಣಾಮ ಸಾಕಷ್ಟು ತಿಂಗಳು ಕ್ರೀಡಾಂಗಣ ಹಾಗೂ ಒಳಾಂಗಣ ಕ್ರೀಡಾಂಗಣಗಳು ಬಂದ್ ಆಗಿದ್ದವು. ಇದರಿಂದಾಗಿ ಫಿಟ್ನೆಸ್ ಪಾಕಾಡಿಕೊಳ್ಳಲು ಕ್ರೀಡಾಪಟುಗಳು ಪರಿತಪ್ಪಿಸಬೇಕಾಯಿತು. ಜಿಲ್ಲೆಯಲ್ಲಿ ಕ್ರೀಡೆಗೆ ತನ್ನದೇ ಪ್ರಾಮುಖ್ಯತೆ ಇದೆ. ಮುಂಜಾನೆ ಯುವಕರು ಹಾಕಿ, ಕ್ರಿಕೆಟ್ ಹಾಗೂ ಟೆನ್ನಿಸ್ ಬ್ಯಾಟ್‌ಗಳನ್ನು ಹಿಡಿದು ಕ್ರೀಡಾಂಗಣದಲ್ಲಿ ಕ್ರೀಡಾ ಅಭ್ಯಾಸದಲ್ಲಿ ಮಗ್ನರಾದರೆ, ಹಿರಿಯ ನಾಗರಿಕರು ಸ್ಟೇಡಿಯಂ ಸುತ್ತ ವಾಕಿಂಗ್ ಮಾಡುತ್ತಾ ವಯೋಮಾನಕ್ಕೆ ಅನುಗುಣವಾಗಿ ವರ್ಕೌ‌ಟ್ ಮಾಡಿಕೊಂಡು ಮನೆ ಸೇರುತ್ತಿದ್ದರು.