ಮಡಿಕೇರಿ: ನಿವೃತ್ತಿ ವೇತನ ಫೈಲ್ ಮೂವ್ ಮಾಡಲು ಲಂಚ ಪಡೆದ ಕೊಡಗು ಜಿಲ್ಲೆ ಖಜಾನೆಯ ಪ್ರಥಮ ದರ್ಜೆ ಸಹಾಯಕ ಎಸಿಬಿ ಬಲೆಗೆ ಬಿದ್ದಿದ್ದಾರೆ. ರವಿಕುಮಾರ್ 5 ಸಾವಿರ ಲಂಚ ಪಡೆಯುತ್ತಿದ್ದ ವೇಳೆ ಎಸಿಬಿ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ.
ಏಪ್ರಿಲ್ ನಲ್ಲಿ ನಿವೃತ್ತಿ ಹೊಂದಿದ ಸರ್ವೆ ಅಧೀಕ್ಷಕರು ತಮ್ಮ ನಿವೃತ್ತಿ ವೇತನ ಫೈಲ್ ಮೂವ್ ಮಾಡಿಸಲು ಕೊಡಗು ಜಿಲ್ಲೆಯ ಮಡಿಕೇರಿಯ ಖಜಾನೆ ಕಚೇರಿಯ ಎಫ್. ಡಿ. ಎ ರವಿಕುಮಾರ್ ಅವರನ್ನ ಸಂಪರ್ಕಿಸಿದ್ದಾರೆ. ಆಗ ಫೈಲ್ ಮೂವ್ ಮಾಡಲು 7 ಸಾವಿರ ಲಂಚಕ್ಕೆ ಬೇಡಿಕೆ ಇಟ್ಟಿದ್ದಾರೆ. ಇದರಿಂದ ಬೇಸತ್ತ ನಿವೃತ್ತ ಸರ್ವೆ ಅಧೀಕ್ಷಕರು ಕೊಡಗು ಜಿಲ್ಲೆಯ ಎಸಿಬಿ ಪೊಲೀಸರ ಮೊರೆ ಹೋಗಿ ದೂರು ಕೊಟ್ಟಿದ್ದಾರೆ.