ಕಲಬುರಗಿ : ಜಮೀನಿನ ವಿಚಾರಕ್ಕೆ ಯುವಕನ ಬರ್ಬರ ಹತ್ಯೆ

ಜಮೀನಿನ ವಿಚಾರಕ್ಕೆ ಯುವಕನನ್ನು ಮಾರಾಕಾಸ್ತ್ರಗಳಿಂದ ಕೊಚ್ಚಿ, ತಲೆ ಮೇಲೆ ಕಲ್ಲು ಹಾಕಿ ಬರ್ಬರವಾಗಿ ಹತ್ಯೆಗೈದಿರುವ ಘಟನೆ ಕಲಬುರಗಿ ಜಿಲ್ಲೆಯಲ್ಲಿ ನಡೆದಿದೆ..

ಕಲಬುರಗಿ :ಜಮೀನಿನ ವಿಚಾರಕ್ಕೆ ಯುವಕನನ್ನು ಮಾರಾಕಾಸ್ತ್ರಗಳಿಂದ ಕೊಚ್ಚಿ, ತಲೆ ಮೇಲೆ ಕಲ್ಲು ಹಾಕಿ ಬರ್ಬರವಾಗಿ ಹತ್ಯೆಗೈದಿರುವ ಘಟನೆ ಅಫಜಲಪುರ ತಾಲೂಕಿನ ಗೌರ್ ಕೆ ಗ್ರಾಮದಲ್ಲಿ ನಡೆದಿದೆ. ಶಿರವಾಳ ಗ್ರಾಮದ ಅಕ್ಷಯ್​ಕುಮಾರ್ ಕ್ಷತ್ರಿ (25) ಎಂಬಾತನೆ ಹತ್ಯೆಯಾದ ಯುವಕನಾಗಿದ್ದಾನೆ.

ಗೌರ ಬಿ ಗ್ರಾಮದ ನೀಲಪ್ಪ, ಮಲ್ಲು ಬಂಡೆ ಎಂಬುವರ ಜಮೀನನ್ನು ಅಕ್ಷಯ್​ ಪಾಲುದಾರಿಕೆ ಪಡೆದು ಉಳುಮೆ ಮಾಡುತ್ತಿದ್ದ. ಅವಧಿ ಮುಗಿದ ನಂತರ ಜಮೀನಿನಲ್ಲಿ ಆತ ಹಾಕಿದ್ದ ಟಿನ್‌ಶೆಡ್ ಬಿಟ್ಟುಕೊಡಲು 10 ಸಾವಿರ ರೂಪಾಯಿ ಹಣ ಕೊಡಬೇಕು ಎಂದು ಒಪ್ಪಂದವಾಗಿತ್ತು.

ಯುವಕನ ಹತ್ಯೆ

ಆದರೆ, ದುಡ್ಡು ಕೊಡುತ್ತೇವೆ ಬಾ ಅಂತಾ ಅಕ್ಷಯ್​ನನ್ನು ಕರೆಯಿಸಿಕೊಂಡು ನೀಲಪ್ಪ ಬಂಡೆ ಮತ್ತು ಮಲ್ಲು ಬಂಡೆ ಸೇರಿ ಕೊಲೆಗೈದಿದ್ದಾರೆ ಎಂದು ತಿಳಿದು ಬಂದಿದೆ. ಸ್ಥಳಕ್ಕೆ ಎಸ್​​ಪಿ ಇಶಾ ಪಂತ್​​ ಸೇರಿ ಪೊಲೀಸ್ ಅಧಿಕಾರಿಗಳು ಭೇಟಿ ನೀಡಿ‌ ಪರಿಶೀಲನೆ‌ ನಡೆಸಿದ್ದಾರೆ. ಈ ಬಗ್ಗೆ ಅಫಜಲಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ:ಆಸ್ತಿ ವಿವಾದದ ಪ್ರಕರಣದಲ್ಲಿ ಸೋಲು : ಹೈಕೋರ್ಟ್‌ನಲ್ಲಿಯೇ ಚಾಕು ಬಳಸಿ ಆತ್ಮಹತ್ಯೆಗೆ ಯತ್ನಿಸಿದ ವ್ಯಕ್ತಿ