ಕಲಬುರಗಿ: ನಗರದ ಪ್ರಮುಖ ವೃತ್ತ ರಾಮ ಮಂದಿರ ಸರ್ಕಲ್ ಬಳಿಯ ಖಾಲಿ ಸ್ಥಳ ಹಂದಿ, ಬೀದಿ ನಾಯಿಗಳ ವಾಸ ಸ್ಥಳವಾಗಿ ಮಾರ್ಪಟ್ಟಿದೆ. ಖಾಸಗಿ ವ್ಯಕ್ತಿಗಳಿಗೆ ಸೇರಿದ ಈ ಸ್ಥಳ ಸದ್ಯ ಕೊಳಚೆ ಪ್ರದೇಶವಾಗಿದ್ದು, ಸಾರ್ವಜನಿಕರು ಅಧಿಕಾರಿಗಳಿಗೆ ಹಿಡಿ ಶಾಪ ಹಾಕುತ್ತಿದ್ದಾರೆ.
ಸುತ್ತಮುತ್ತಲಿನ ಅಂಗಡಿಯವರು, ನಿವಾಸಿಗಳು ಇಲ್ಲಿಯೇ ಕಸ ಚೆಲ್ಲುತ್ತಾರೆ. ಗಲೀಜು ಸ್ಥಳವಾದ್ದರಿಂದ ಸಾರ್ವಜನಿಕರು ಮಲಮೂತ್ರ ವಿಸರ್ಜನೆ ಕೂಡ ಮಾಡುತ್ತಿದ್ದಾರೆ. ಇಲ್ಲಿನ ದುರ್ವಾಸನೆಯಿಂದ ಸುತ್ತಮುತ್ತಲಿನ ನಿವಾಸಿಗಳಿಗೆ ಹಾಗೂ ದಾರಿ ಹೋಕರರಿಗೆ ವಿಪರೀತ ಕಿರಿಕಿರಿ ಉಂಟಾಗುತ್ತಿದೆ. ಇದರಿಂದ ರೋಗ ರುಜಿನೆಗಳು ಕೂಡ ಹರಡುವ ಸಾಧ್ಯತೆಗಳಿದ್ದು ಮಹಾನಗರ ಪಾಲಿಕೆ ಅಧಿಕಾರಿಗಳು ಕ್ರಮ ಕೈಗೊಳ್ಳುವಂತೆ ಸ್ಥಳೀಯರು ಆಗ್ರಹಿಸಿದ್ದಾರೆ.
ಕೊಳಚೆ - ದುರ್ವಾಸನೆಯಿಂದ ಸಾರ್ವಜನಿಕರಿಗೆ ಕಿರಿಕಿರಿ