ಕಲಬುರಗಿ: ಲಂಚದ ಹಣ ಪಡೆಯುವಾಗ ಎಸಿಬಿ ಬಲೆಗೆ ಬಿದ್ದ ಕೃಷಿ ಸಹಾಯಕ ನಿರ್ದೇಶಕ..!!

ಜೇವರ್ಗಿಯ ಶ್ರೀಶೈಲ್ ಮಲ್ಲಿಕಾರ್ಜುನ ಕೃಷಿ ಸಂಸ್ಥೆಯಿಂದ ರೈತರಿಗೆ ನೀಡಿದ ಕೃಷಿ ಸಲಕರಣೆಗಳ ಬಿಲ್ ಪಾಸ್ ಮಾಡಲು ಶಂಕರಗೌಡ ಎಂಬುವರಿಗೆ ಸುನೀಲ್​ ಕುಮಾರ್ ​ ಒಂದುವರೆ ಲಕ್ಷ ಹಣದ ಬೇಡಿಕೆ ಇಟ್ಟಿದ್ದರು ಎನ್ನಲಾಗಿದೆ.

ಕಲಬುರಗಿ:ಲಂಚದ ಹಣ ಪಡೆಯುವಾಗ ಜೇವರ್ಗಿ ಕೃಷಿ ಸಹಾಯಕ ನಿರ್ದೇಶಕ ಸುನೀಲ್ ಕುಮಾರ ಯರಗೋಳ ಎಸಿಬಿ ಅಧಿಕಾರಿಗಳ ಬಲೆಗೆ ಬಿದ್ದಿದ್ದಾರೆ.

ಜೇವರ್ಗಿಯ ಶ್ರೀಶೈಲ್ ಮಲ್ಲಿಕಾರ್ಜುನ ಕೃಷಿ ಸಂಸ್ಥೆಯಿಂದ ರೈತರಿಗೆ ನೀಡಿದ ಕೃಷಿ ಸಲಕರಣೆಗಳ ಬಿಲ್ ಪಾಸ್ ಮಾಡಲು ಶಂಕರಗೌಡ ಎಂಬುವರಿಗೆ ಸುನೀಲ್​ ಕುಮಾರ್ ​ ಒಂದುವರೆ ಲಕ್ಷ ಹಣದ ಬೇಡಿಕೆ ಇಟ್ಟಿದ್ದರು ಎನ್ನಲಾಗಿದೆ. ಮೊದಲ ಕಂತಾಗಿ 50 ಸಾವಿರ ರೂಪಾಯಿಗಳನ್ನು ಕಲಬುರಗಿ ನಗರದ ಕನ್ನಡ ಭವನದ ಮುಂದೆ ಹಣ ಪಡೆಯುವಾಗ ದಾಳಿ ನಡೆಸಿದ ಎಸಿಬಿ ಅಧಿಕಾರಿಗಳ ಕೈಗೆ ಸುನೀಲಕುಮಾರ್​ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದಾರೆ.

ಎಸಿಬಿ, ಎಸ್ಪಿ ಮಹೇಶ್ ಮೇಗನ್ನವರ್, ಡಿಎಸ್ಪಿ ಬಶೀರುದ್ದೀನ್ ಪಟೇಲ್ ಮಾರ್ಗದರ್ಶನದಲ್ಲಿ ನಡೆದ ದಾಳಿಯಲ್ಲಿ ಇನ್ಸ್ಪೆಕ್ಟರ್ ರಾಘವೇಂದ್ರ ಬಜಂತ್ರಿ, ಶರಣು ಕೊಡ್ಲಾ, ಇಸ್ಮಾಯಿಲ್ ಶರಿಫ್ ಮತ್ತು ಸಿಬ್ಬಂದಿ ಮಾರೆಪ್ಪ, ಫಾಹಿಮ್, ಶರಣು ಪಾಲ್ಗೊಂಡಿದ್ದರು‌.