ಕಲಬುರಗಿ :ಒಳಚರಂಡಿ ವಿಚಾರಕ್ಕೆ ಎರಡು ಪ್ರತಿಷ್ಠಿತ ಕುಟುಂಬಗಳ ನಡುವೆ ಗಲಾಟೆ ನಡೆದು, ಓರ್ವ ಯುವಕನ ಕೊಲೆ ಹಾಗೂ ಆರು ಜನರು ಗಾಯಗೊಂಡು ಆಸ್ಪತ್ರೆಗೆ ದಾಖಲಾದ ಪ್ರಕರಣ ಸಂಬಂಧ 10 ಮಂದಿ ಆರೋಪಿಗಳನ್ನು ಪೊಲೀಸರು ಬಂಧಿಸಿ ಜೈಲಿಗಟ್ಟಿದ್ದಾರೆ.
ಚಿತ್ತಾಪುರ ತಾಲೂಕಿನ ಮುಡಬೂಳ ಗ್ರಾಮದಲ್ಲಿ ಭಾನುವಾರ ರಾತ್ರಿ ಈ ಘಟನೆ ನಡೆದಿತ್ತು. ಮನೆ ಮುಂದೆ ಹರಿದ ಒಳ ಚರಂಡಿ ವಿಷಯವಾಗಿ ಬೆಳಗ್ಗೆ ಸಂಗಾವಿ ಕುಟುಂಬ ಹಾಗೂ ಸಣ್ಣೂರಕರ್ ಕುಟುಂಬದ ನಡುವೆ ವಾಗ್ವಾದ ನಡೆದಿತ್ತು.
ಅಂದು ರಾತ್ರಿ ಮತ್ತೆ ಆರೇಳು ಜನ ಸೇರಿ ಸಣ್ಣುರಕರ್ ಮನೆಗೆ ತೆರಳಿದ ಸಂಗಾವಿ ಕುಟುಂಬಸ್ಥರ ಮೇಲೆ ಸಣ್ಣೂರಕರ್ ಕುಟುಂಬಸ್ಥರು ಕಟ್ಟಿಗೆ, ಕಲ್ಲು, ಮಾರಕಾಸ್ತ್ರಗಳಿಂದ ಹಲ್ಲೆ ಮಾಡಿದ್ದರು. ಘಟನೆಯಲ್ಲಿ ವಿಶ್ವನಾಥ ಸಂಗಾವಿ ಎಂಬ ಯುವಕ ಸ್ಥಳದಲ್ಲಿಯೇ ಮೃತಪಟ್ಟಿದ್ದು, ಗಾಯಗೊಂಡ ಆರು ಜನರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು.
ಎಸ್ಪಿ ಈಶಾ ಪಂತ್ ಮಾಹಿತಿ