ಕಲಬುರಗಿಯಲ್ಲಿ ಇಂದು ಆರು ಕೊರೊನಾ ಹೊಸ ಪ್ರಕರಣ ಪತ್ತೆ

ಕಲಬುರಗಿಯಲ್ಲಿ ಕೊರೊನಾ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿವೆ. ಇಂದು ಆರು ಜನರಿಗೆ ಸೋಂಕು ತಗುಲುವ ಮೂಲಕ ಕಾಯಿಲೆಯಿಂದ ಬಳಲುತ್ತಿರುವವರ ಸಂಖ್ಯೆ 141ಕ್ಕೆ ಏರಿಕೆಯಾಗಿದೆ.

ಕಲಬುರಗಿ:ಜಿಲ್ಲೆಯಲ್ಲಿ ಇಂದು ಆರು ಜನರಿಗೆ ಕೊರೊನಾ ಪಾಸಿಟಿವ್​ ಬಂದಿದ್ದು, ಈ ಮೂಲಕ ಸೋಂಕಿತರ ಸಂಖ್ಯೆ 141ಕ್ಕೆ ಏರಿಕೆಯಾಗಿದೆ.

ಇಂದು ಪತ್ತೆಯಾಗಿರುವ ಪ್ರಕರಣಗಳಲ್ಲಿ ಐದು ಜನ ಮುಂಬೈ ವಲಸಿಗರಾಗಿದ್ದು, ಆಂಧ್ರಪ್ರದೇಶದಿಂದ ಬಂದಿದ್ದ ಓರ್ವ ವ್ಯಕ್ತಿಗೆ ಸೋಂಕು ತಗುಲಿದೆ.

ಸೋಂಕಿತರ ಮಾಹಿತಿ:

• ಮುಂಬೈಯಿಂದ ವಾಪಸಾದ ರೋಗಿ ನಂ-1965 (32) ಪುರುಷ
• ರೋಗಿ ನಂ-1966 (20) ಯುವಕ
• ರೋಗಿ ನಂ-1967 (48) ಪುರುಷ
• ರೋಗಿ ನಂ-1968 (50) ಮಹಿಳೆ
• ರೋಗಿ ನಂ-2000 (45) ಪುರುಷ
• ಆಂಧ್ರದಿಂದ ವಾಪಸಾದ ರೋಗಿ ನಂ-2001 (30) ಪುರುಷ

ಸೊಂಕಿತರೆಲ್ಲರಿಗೂ ಇಎಸ್​​ಐ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದ್ದು, ಇಲ್ಲಿಯವರೆಗೆ ಕೊರೊನಾ ಸೋಂಕಿನಿಂದ 60 ಜನ ಗುಣಮುಖರಾಗಿದ್ದಾರೆ. ಒಟ್ಟು ಏಳು ಜನ ಸಾವುನ್ನಪ್ಪಿದ್ದು, ಇನ್ನುಳಿದ 74 ಜನ ಸೋಂಕಿತರು ನಿಗದಿತ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.