ಕಲಬುರಗಿಯಲ್ಲಿ ರೌಡಿಶೀಟರ್​​​​ಗಳ ಬೆಂಬಲಿಗರ ಅಟ್ಟಹಾಸ: ಸಿಕ್ಕ ಸಿಕ್ಕವರ ಮೇಲೆ ಹಲ್ಲೆ!

ಕಲಬುರಗಿಯ ರಾಜೀವ್​ ಗಾಂಧಿ ನಗರಕ್ಕೆ ನುಗ್ಗಿದ ರಾಜು ಕಪನೂರ್​, ನಂದು ನಾಗಭುಜಂಗೆ ಮತ್ತು ಶರಣು ಟರೀ ಎಂಬ ರೌಡಿಗಳ ಬೆಂಬಲಿಗರು ರಾಡ್​, ಬಡಿಗೆಗಳಿಂದ ಜನರ ಮೇಲೆ ಹಲ್ಲೆ ನಡೆಸಿದ್ದಾರೆ. ಸುಮಾರು 40 ಜನರಿದ್ದ ಈ ಗುಂಪು ಸಿಕ್ಕ ಸಿಕ್ಕವರ ಮೇಲೆ ಹಲ್ಲೆ ನಡೆಸಿರುವ ಆರೋಪ ಕೇಳಿ ಬಂದಿದೆ.

ಕಲಬುರಗಿ:ನಗರದಲ್ಲಿ ರೌಡಿಗಳ ಬೆಂಬಲಿಗರು ಅಟ್ಟಹಾಸ ಮೆರೆದಿದ್ದು, ಸಿಕ್ಕ ಸಿಕ್ಕವರ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂಬ ಆರೋಪ ಕೇಳಿ ಬಂದಿದೆ.

ನಿನ್ನೆ ತಡರಾತ್ರಿ ಇಲ್ಲಿನ ರಾಜೀವ್​ ಗಾಂಧಿ ನಗರಕ್ಕೆ ರಾಜು ಕಪನೂರ್​, ನಂದು ನಾಗಭುಜಂಗೆ ಮತ್ತು ಶರಣು ಟರೀ ಎಂಬ ರೌಡಿಗಳ ಬೆಂಬಲಿಗರು ರಾಡ್​, ಬಡಿಗೆಗಳಿಂದ ಜನರ ಮೇಲೆ ಹಲ್ಲೆ ನಡೆಸಿದ್ದಾರೆ. ಸುಮಾರು 40 ಜನರಿದ್ದ ಈ ಗುಂಪು ಸಿಕ್ಕ ಸಿಕ್ಕವರ ಮೇಲೆ ಹಲ್ಲೆ ನಡೆಸಿ ಪರಾರಿಯಾಗಿದೆ ಎನ್ನಲಾಗುತ್ತಿದೆ.

ಹಲ್ಲೆಗೊಳಗಾದ ಯುವಕರು ಈಟಿವಿ ಭಾರತದೊಂದಿಗೆ ಮಾತನಾಡಿದ್ದು, ಘಟನೆ ಕುರಿತು ಮಾಹಿತಿ ನೀಡಿದ್ದಾರೆ. ರೌಡಿಗಳ ಬೆಂಬಲಿಗರು ಯಾವ ಕಾರಣಕ್ಕೆ ಹಲ್ಲೆ ನಡೆಸಿದ್ದಾರೆ ಎಂಬುದು ಗೊತ್ತಿಲ್ಲ. ಗುಂಪಾಗಿ ಬಂದ ಇವರು, ಎಲ್ಲರ ಮೇಲೂ ಹಲ್ಲೆ ನಡೆಸಿ ಅಲ್ಲಿದ್ದವರಿಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾರೆ ಎಂದು ಆರೋಪ ಮಾಡಿದ್ದಾರೆ. ಚೌಕ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.