ಕಲಬುರಗಿಯಲ್ಲಿ ಮಳೆ ಅವಾಂತರ: ಕೊಚ್ಚಿ ಹೋದ ಪ್ರಮುಖ ರಸ್ತೆ

ಕಲಬುರಗಿಯಲ್ಲಿ ಮೊನ್ನೆ ಸುರಿದ ಮಳೆ ಹಲವಾರು ಅವಾಂತರಗಳನ್ನು ಸೃಷ್ಟಿಸಿದೆ. ಜಿಲ್ಲೆಯ ಪ್ರಮುಖ ರಸ್ತೆಗಳು ಕೊಚ್ಚಿ ಹೋಗಿದ್ದು ಜನ ಓಡಾಟಕ್ಕೆ, ವಾಹನ ಸಂಚಾರಕ್ಕೆ ಕಷ್ಟಕರವಾಗಿದ್ದು, ಕಾಯಕಲ್ಪ ಕಲ್ಪಿಸುವಂತೆ ಗ್ರಾಮಸ್ಥರು ಆಗ್ರಹಿಸಿದ್ದಾರೆ.

ಕಲಬುರಗಿ:ಜಿಲ್ಲೆಯಲ್ಲಿ ಸುರಿದ ಮಳೆ ಹಲವು ಅವಾಂತರ ಸೃಷ್ಟಿಸಿದೆ. ಅಫ್ಜಲ್​​​​​ಪುರ ತಾಲೂಕಿನ ಹರಸಗುಂಡಗಿಯಲ್ಲಿ ಮಳೆಗೆ ಪ್ರಮುಖ ರಸ್ತೆ ಕೊಚ್ಚಿಹೋಗಿದೆ.

ತೆಗ್ಗಳ್ಳಿ, ಚೌಡಾಪೂರ ರಸ್ತೆಯಲ್ಲಿ ಮಳೆ ನೀರು ಹರಿಯುತ್ತಿದ್ದು, ಜನ ಸಂಚಾರಕ್ಕೆ ಅಡಚಣೆ ಉಂಟಾಗಿದೆ. ಮಳೆ ಅಥವಾ ನದಿಯಲ್ಲಿ ನೆರೆಯುಂಟಾದರೆ. ಈ ರಸ್ತೆ ಬಂದ್ ಆಗುತ್ತಿದ್ದು, ಅಕ್ಕಪಕ್ಕದ ನೂರಾರು ಏಕರೆ ಜಮೀನಿಗೆ ನೀರು ಹೊಕ್ಕು ಅನ್ನದಾತ ಬೆಳೆದ ಬೆಳೆ ನಷ್ಟವಾಗುತ್ತಿದೆ.

ಓವರ್ ಬ್ರಿಡ್ಜ್ ನಿರ್ಮಾಣ ಮಾಡುವ ಮೂಲಕ ರಸ್ತೆ ಸಂಪರ್ಕ ಸುಗಮಗೊಳಿಸಿ ರೈತರ ಬೆಳೆ ನಷ್ಟವಾಗದಂತೆ ಮಾರ್ಗ ಕಲ್ಪಿಸಿಕೊಡುವಂತೆ ಗ್ರಾಮಸ್ಥರು ಆಗ್ರಹಿಸಿದ್ದಾರೆ.